Zaburu 125 - ALA KA KUMA

Mɔgɔ minw jigi be Masaba kan

1 Zeruzalɛmu taadɔnkili dɔ.

¹ Zeruzalɛmu taadɔnkili dɔ. Mɔgɔ minw jigi be Matigi kan, olu be i ko *Siyɔn kulu, olu tena yuguyugu fewu.

² Kuluw kɛnin be ka Zeruzalɛmu dugu lamini cogo min na, Masaba fana b'a ka jama lamini ten, k'a ta sisan ma fɔɔ tuma bɛɛ.

³ Kuntigijugu tena to mɔgɔtilenninw ka jamana kunna, janko mɔgɔtilennin nunu kana don juguya la.

⁴ Masaba, koɲuman kɛ mɔgɔɲumanw ye, e k'o kɛ dusuɲumantigiw ye.

⁵ Nga mɔgɔ minw be sirajugu taama, ani minw be tilenbaliyakow kɛ, i k'u furan ka bɔ yen. Hɛrɛ ka kɛ Isirayɛlidenw ye.