Zaburu 124 - ALA KA KUMA

An dɛmɛbaga ye Masaba ye

1 Zeruzalɛmu taadɔnkili dɔ. Dawuda ka dɔnkili dɔ.

¹ Zeruzalɛmu taadɔnkili dɔ. Dawuda ka dɔnkili dɔ. Ni Masaba tɛ, jɔn tun be n'an ye? Isirayɛlidenw k'a fɔ ko:

² Mɔgɔw wilila an kama tuma min na, ni Masaba tun te n'an ye,

³ u dimina an kɔrɔ tuma min na, u tun bena an ɲanaman tunu,

⁴ jii tun bena an ta, jiba tun bena an tunu.

⁵ Jikuruw tun bena to ka tɛmɛ an kan.

⁶ Masaba, barika. E ma sɔn u ka se an ma.

⁷ Kɔnɔ be bɔsi donsocɛ ka jaan kɔnɔ cogo min na, o cogo la, an bɔsira, jaan cɛnna, an y'an yɛrɛ sɔrɔ ka taga.

⁸ An dɛmɛbaga ye Masaba le ye, min ye sankolo ni dugukolo dan.