Zaburu 120 - ALA KA KUMA

Dɛmɛ ɲini daalili

1 Zeruzalɛmu taadɔnkili dɔ.

¹ Zeruzalɛmu taadɔnkili dɔ. Ka ne to dusukasi la, ne ye Masaba daali, a ye ne jaabi.

² Masaba, ne bɔsi galontigɛlaw ni namaratɔw bolo.

³ Aw minw be galon tigɛ, Ala bena tɔɔrɔ sifa jumɛn lase aw ma?

⁴ O bena kɛ kɛlɛkɛbiɲɛw ye, u ye minw don takami kɔnɔ k'u diya!

⁵ Bɔnɛ ye ne ta ye bari ne siginin be lonanw cɛma.

⁶ Mɔgɔ minw te hɛrɛ fɛ, ne mɛnna olu gɛrɛfɛ kojugu.

⁷ Ne be hɛrɛ fɛ, nga ni ne y'o fɔ dɔrɔn, u be wili ni kɛlɛ ye.