Zaburu 114 - ALA KA KUMA

Isirayɛlidenw bɔko Ezipiti jamana na

¹ Isirayɛlidenw bɔra Ezipiti tuma min na, u bɔra lonanw cɛma waati min na,

² Zuda kɔmɔgɔw kɛra Ala ta ye, Isirayɛli jama kɛr'a niyɔrɔ ye.

³ Kɔgɔji y'u ye dɔrɔn, a bolila, Zurudɛn baji segira kɔfɛ.

⁴ Kuluw tora ka panpan i ko sagajigiw, tintinw tora ka panpan i ko sagadenw.

⁵ Kɔgɔji, mun na i be bolila? Zurudɛn baji, mun na i be segira kɔfɛ?

⁶ Kuluw, mun na aw be panpanna i ko sagajigiw? Tintinw, mun na aw be panpanna i ko sagadenw?

⁷ Dugukolo, ele ka yɛrɛyɛrɛ Matigi ɲakɔrɔ, Yakuba ka Ala ɲakɔrɔ.

⁸ Ale min be farakulu yɛlɛma k'a kɛ dalan ye, ka bɛrɛyɔrɔ kɛ jii bɔyɔrɔ ye.