Zaburu 110 - ALA KA KUMA

Sarakalasebaga ni masacɛ

1 Dawuda ka dɔnkili dɔ.

¹ Dawuda ka dɔnkili dɔ. Masa Ala y'a fɔ ne Matigi ye ko: «Sigi ne kinibolo fɛ fɔɔ ne k'i juguw cɔnkɔn i seen kɔrɔ.»

² Masaba bena i ka kuntigiya jiidi k'a daminɛ *Siyɔn. I bena i juguw mara.

³ Cɛfariw be tugura i kɔ. I ka kɛlɛdenw lajɛnlon na, Ala ka kulu kan, kanbelenw nana i fɛ i ko sɔgɔmada joona komiji.

⁴ Masaba y'a fɔ k'a gwɛlɛya, a fana ten'a daa yɛlɛma: «I ye sarakalasebaga ye waati bɛɛ, Mɛlikisedɛki cogo la.»

⁵ Matigi b'i kinibolo la, a ye masacɛw halaki a ka dimi loon na.

⁶ A ye siyaw kiti, yɔrɔ bɛɛ kɛra suuw ye, a ye jamanaba ɲamɔgɔ halaki.

⁷ Ka masacɛ to sira kan, a ye jii min kɔɔ la. O le y'a to a y'a kuun kɔrɔta.