Zaburu 1 - ALA KA KUMA

Tilanyɔrɔ fɔlɔ ( Dal 1—41 ) Adamaden ka hɛrɛ

¹ Mɔgɔ min te tugu mɔgɔjuguw ka ladili kɔ, n'a te to ni kojugukɛlaw ye a ka sira kan, n'a t'a niin don mɔgɔkɔrɔfɔlaw fɛ k'a tɔɲɔgɔn kɔrɔfɔ, o tigi dagamunin lo.

² Masaba ka sariya koo ka d'a ye, a be miiri o la suu fara tile kan.

³ A tigi be i ko yiri min tutunin be kɔda la, a be den a dentuma na, a furaburu fana te fɔnsɔnfɔnsɔn. A be koo o koo kɛ, o be ɲa.

⁴ Mɔgɔjuguw ka koo te ten. U be i ko sumanɲaga, fɔɲɔ be taga ni min ye.

⁵ O le y'a to mɔgɔjuguw te lɔyɔrɔ sɔrɔ kiti loon na, kojugukɛlaw te lɔyɔrɔ sɔrɔ mɔgɔtilenninw ka jɛnkulu cɛma.

⁶ Masaba be mɔgɔtilenninw ka koo lɔn kosɔbɛ. Kojugukɛlaw ta be taga n'u ye halakili la.