Yowɛli 3 - ALA KA KUMA

Masaba ben'a ka Nii di mɔgɔ bɛɛ ma

¹ «O tɛmɛnin kɔ, ne bena n ka Nii di bɛɛ ma. Aw dencɛw n'aw denmusow bena kiraya kɛ, aw ka cɛkɔrɔbaw bena sikow kɛ, aw ka kanbelenninw bena yirafɛnw ye.

² O waati la, n bena n ka Nii di hali baarakɛlaw ma, cɛɛw fara musow kan.

³ N bena kabakow yira sankolo la, ni dugukolo kan, joli, tasuma, ani sisi.

⁴ Tile bena dibi, kalo bena wulen i ko joli, sanni Masaba ka loon ka se, siranyalon, lonba lo.»

⁵ O tuma na, mɔgɔ o mɔgɔ mana Masaba tɔgɔ wele, o tigi bena kisi. Mɔgɔ tɔɔ minw tora, Masaba bena minw wele, olu bena sɔrɔ Zeruzalɛmu, *Siyɔn kulu kan, i ko Masaba y'a fɔ cogo min na.