Yosuwe 21 - ALA KA KUMA

Levi kɔmɔgɔw ka duguw

¹ O kɔ, Levi kɔmɔgɔw ka gwatigiw nana sarakalasebaga Eleyazari ni Nun dencɛ Zozuwe ani Isirayɛlidenw ka gwatigi tɔw fɛ

² k'u to Silo, Kanaan jamana na. U y'a fɔ u ye ko: «Masaba y'a fɔ Musa ye ko duguw ka kan ka d'an ma, ka kɛ an sigiyɔrɔ ye, ani kongo min b'u lamini na, janko an ka begɛnw ka se ka ɲimini kɛ o yɔrɔ la.»

³ O la, Isirayɛlidenw ye dugu dɔw n'u kongow di Levi kɔmɔgɔw ma ka bɔ u yɛrɛ niyɔrɔ la ka kɛɲɛ ni Masaba ka fɔta ye. U ye minw di, o filɛ nin ye:

⁴ U ye kala la, Keyati kɔmɔgɔw le kɔnna ka sɔrɔli kɛ ka kɛɲɛ n'u ka fadenyabolow ye. Sarakalasebaga Arɔn deenw n'u ye Levi kɔmɔgɔw ye, olu ye dugu tan ni saba sɔrɔ Zuda kɔmɔgɔw ka mara la, ni Simeyɔn ani Bɛnzamɛn ka mara la.

⁵ Keyati kɔmɔgɔ tɔw ye dugu tan sɔrɔ Efarayimu kɔmɔgɔw ka fadenyabolow ka mara la ni Dan kɔmɔgɔw ani Manase kɔmɔgɔw tilan kelen ka fadenyabolow ka mara la.

⁶ U ye kala la fana, Gɛrisɔn kɔmɔgɔw ye dugu tan ni saba sɔrɔ Isakari kɔmɔgɔw ka fadenyabolow ka mara la ni Asɛri ani Nɛfutali ni Manase kɔmɔgɔw tilan kelen ka fadenyabolow ka mara la min be *Basan mara la.

⁷ Merari kɔmɔgɔw ye dugu tan ni fila sɔrɔ ka kɛɲɛ n'u ka fadenyabolow ye, Urubɛn kɔmɔgɔw ka mara la, ni Gadi ani Zabulɔn ka mara la.

⁸ Isirayɛlidenw ye kala la ka dugu nunu, n'u kongow di Levi kɔmɔgɔw ma, i ko Masaba tun y'a fɔ cogo min na Musa barika la.

⁹ Dugu minw tɔgɔ bena fɔ, u ye olu le woloma ka bɔ Zuda kɔmɔgɔw ni Simeyɔn kɔmɔgɔw ka mara la,

¹⁰ olu le sera Arɔn kɔmɔgɔw ma, n'o tun ye Levi dencɛ Keyati ka fadenyabolo mɔgɔw ye, bari kala lara ka olu le ta yira fɔlɔ la.

¹¹ U ye Kiriyataraba, min be wele Eburɔn, n'a kongo d'u ma, min be Zuda mara kuluyɔrɔ la. Ariba tun ye Anɔki faa ye.

¹² Nga dugubaba nin kongo n'a dugudenninw tun dira Yefunɛ dencɛ Kalɛbu ma ka kɛ a niyɔrɔ ye.

¹³ Eburɔn min kɛra mɔgɔfagala ka kalifaduguw dɔ ye, u ye ale n'a kongo di sarakalasebaga Arɔn kɔmɔgɔw ma ani Libina n'a kongo fana,

¹⁴ ka Yatiri n'a kongo ni Ɛsitemowa n'a kongo di,

¹⁵ ka Olɔn n'a kongo ani Debiri n'a kongo di,

¹⁶ ka Ayini n'a kongo, ni Yuta n'a kongo, ani Bɛtisemɛsi n'a kongo di, dugubaba kɔnɔntɔn minw wolomana ka bɔ Zuda ni Simeyɔn kɔmɔgɔw taw la, o le ye nunu ye.

¹⁷ Bɛnzamɛn kɔmɔgɔw ka mara la, Gabaŋɔn n'a kongo dira u ma, ni Geba n'a kongo,

¹⁸ ka Anatɔti n'a kongo ni Alimɔn n'a kongo di. O ye dugubaba naani ye.

¹⁹ Arɔn kɔmɔgɔ sarakalasebagaw ye dugubaba tan ni saba sɔrɔ ani u kongow.

²⁰ Keyati ka fadenyabolo tɔw minw tun ye Levi kɔmɔgɔw ye, olu ye duguw sɔrɔ Efarayimu kɔmɔgɔw ka mara la kalabon sababu fɛ.

²¹ Sisɛmu min kɛra mɔgɔfagala ka kalifaduguw dɔ ye, u y'o di u ma n'a kongo, min be Efarayimu mara kuluyɔrɔ la, ka Gezɛri n'a kongo di u ma fana,

²² ka Kibisayimu n'a kongo ni Bɛtorɔn n'a kongo di. O kɛra dugubaba naani ye.

²³ Dan kɔmɔgɔw ka mara la, u ye Ɛliteke n'a kongo di u ma, ni Gibetɔn n'a kongo,

²⁴ ka Ayalɔn n'a kongo, ani Gatirimɔn n'a ka kongo di. O ye dugubaba naani ye.

²⁵ Manase kɔmɔgɔw tilan kelen ka mara la, u ye Tanaki n'a kongo di u ma, ni Gatirimɔn n'a kongo. O ye dugubaba fila ye.

²⁶ Dugubaba tan nunu n'u kongo dira Keyati ka fadenyabolo dɔ nunu ma.

²⁷ Golan min ye mɔgɔfagala ka kalifayɔrɔ ye Basan mara la, n'o ye Manase kɔmɔgɔw tilan kelen ka mara ye, u y'o di Levi deen Gɛrisɔn ka fadenyabolow ma, n'a kongo, ni Beesitera n'a kongo.

²⁸ Isakari kɔmɔgɔw ka mara la, u ye Kisiyɔn n'a kongo d'u ma fana, ani Doberati n'a kongo,

²⁹ ka Yarimuti n'a kongo ni Ɛnganimu n'a kongo di. O ye dugubaba naani ye.

³⁰ Asɛri kɔmɔgɔw ka mara la, u ye Miseyali n'a kongo d'u ma ni Abidɔn n'a kongo,

³¹ ka Ɛlikati n'a kongo di ni Erewɔbu n'a kongo. O ye dugubaba naani ye.

³² Nɛfutali kɔmɔgɔw fɛ, u ye dugubaba saba di, o n'u kongow: Kedɛsi min be Galile mara la n'o ye mɔgɔfagala ka kalifayɔrɔ ye, ni Amotidɔri, ni Karitan.

³³ Gɛrisɔn ka fadenyabolow ye dugu minw sɔrɔ o kɛra dugubaba tan ni saba ye ani u kongow.

³⁴ U ye Yokineyamu n'a kongo ni Karita n'a kongo di Levi kɔmɔgɔ tɔw ma, minw ye Merari ka fadenyabolow ye, Zabulɔn mara la,

³⁵ ka Dimona n'a kongo, ni Naalali n'a kongo di fana. O ye dugubaba naani ye.

³⁶ Urubɛn kɔmɔgɔw ka mara la, u ye Bɛsɛri n'a kongo d'u ma ni Yaasa n'a kongo,

³⁷ ka Kedemɔti n'a kongo ni Mefaati n'a kongo di. O ye dugubaba naani ye.

³⁸ Gadi kɔmɔgɔw ka mara la, u ye mɔgɔfagala ka kalifadugu Aramɔti min be Galaadi mara la di u ma n'a kongo, ani Maanayimu n'a kongo,

³⁹ ani Ɛsibɔn n'a kongo, ka Yazɛri n'a kongo di. O bɛɛ lajɛnnin kɛra dugubaba naani ye.

⁴⁰ Dugu minw dira Levi kɔmɔgɔw Merari ka fadenyabolow ma, o bɛɛ lajɛnnin ye dugubaba tan ni fila ye.

⁴¹ Levi kɔmɔgɔw ye dugu minw sɔrɔ Isirayɛlidenw ka mara la, o bɛɛ lajɛnnin kɛra dugu bi naani ni seegi ye, n'u ka kongow.

⁴² Dugu nunu kelen kelen bɛɛ tun be n'u kongo ye min b'u lamini, bɛɛ ta tun be ten.

⁴³ Masaba tun y'a daa di ko a bena jamana min di Isirayɛlidenw ma, a y'o bɛɛ di u ma ten, u y'a minɛ ka sigi a kɔnɔ.

⁴⁴ Masaba ye hɛrɛ kɛ u ye u faan bɛɛ la, i n'a fɔ a tun y'a daa di cogo min na u faaw ma. U jugu si ma se ka lɔ u ɲafɛ, Masaba y'u juguw bɛɛ don u bolo.

⁴⁵ Masaba tun y'a daa di Isirayɛlidenw ma koo minw bɛɛ la, u si ma to kɛbali, u bɛɛ kɛra.