Yosuwe 15 - ALA KA KUMA

Zuda kɔmɔgɔw niyɔrɔ

¹ U ye kala la, yɔrɔ min sera Zuda kɔmɔgɔw ma ka kɛɲɛ n'u ka fadenyabolow ye, o be daminɛ Edɔmu mara daan faan na, ka taga fɔɔ Zin kongokolon worodugu ɲafan na.

² U ka mara daan, worodugu ɲafan na, ale tun be daminɛ *Kɔgɔji Fariman daa la, worodugu ɲafan fɛ,

³ ka tɛmɛ ka taga Akirabimu worodugu ɲafan na, ani Zin, ka tɛmɛ ka taga Kadɛsi Barineya worodugu ɲafan na, ka tɛmɛ Ɛsirɔn yɔrɔ la, ka yɛlɛ ka taga Adari faan na, ka gɔngɔrɔ ka taga Karika faan fɛ,

⁴ ka taga Asimɔn, ka taga fɔɔ Ezipiti kɔɔ daa la, ka bɔ yen ka taga fɔɔ kɔgɔji la. O le kɛra olu ka mara daan ye worodugu ɲafan faan fɛ.

⁵ U ka mara daan, kɔrɔn fɛ, o tun ye Kɔgɔji Fariman ye, ka taga dan Zurudɛn baji donyɔrɔ ma kɔgɔji nin kɔnɔ. U ka mara daan, kɔgɔdugu ɲafan na, o tun be bɔ o yɔrɔ kelen nin na

⁶ ka tɛmɛ ka taga Bɛtogila faan fɛ, ka taga tɛmɛ Bɛtaraba kɔgɔdugu ɲafan na, ka taga se Urubɛn dencɛ Bowan kabakuru ma,

⁷ ka tɛmɛ Akɔri kɔkɛnɛ la, ka yɛlɛ Debiri faan fɛ, ka gɔngɔrɔ ka taga kɔgɔdugu ɲafan na Giligali, min be Adumimu gɛrɛfɛ kɔɔ kɔfɛ, worodugu ɲafan fɛ, ka tɛmɛ ka taga Ɛnsɛmɛsi kɔɔ gɛrɛfɛ ka taga fɔɔ Ɛnrogɛli,

⁸ ka bɔ yen ka tɛmɛ ka taga Bɛninɔmu kɔkɛnɛ daa la zebuziw ka kulu worodugu ɲafan gɛrɛfɛ, Zeruzalɛmu be kulu min kan. O kɔ, ka tɛmɛ ka yɛlɛ kulu kan min be Inɔmu kɔkɛnɛ tileben fɛ, erefaw ka kɔkɛnɛ kɔgɔdugu ɲafan daan na,

⁹ ka tɛmɛ kulu nin kan ka taga fɔɔ Nɛfutowa kɔɔ daminɛyɔrɔ la, ka tɛmɛ ka taga dugu minw be Efurɔn kulu kan, ka jigi ka taga tɛmɛ Baala, min be wele ko Kiriyati Yarimu,

¹⁰ ka bɔ Baala ka gɔngɔrɔ ka taga tileben fɛ *Seyiri kulu faan na, ka taga tɛmɛ Yeyarimu kulu gɛrɛfɛ kɔgɔdugu ɲafan fɛ, min ye Kezalɔn kulu ye, ka bɔ yen ka jigi Bɛtisɛmɛsi, ani ka tɛmɛ Timuna,

¹¹ ka taga tɛmɛ jigijigiyɔrɔ la Ekurɔn kɔgɔdugu faan fɛ, ka gɔngɔrɔ ka taga Sikarɔn faan fɛ ka taga tɛmɛ Baala kulu kan, ka taga fɔɔ Yabineyɛli, ka taga gun kɔgɔji la.

¹² U ka mara daan, tileben ɲafan na, o tun ye Kɔgɔjiba nin ye. O yɔrɔw le tun ye Zuda kɔmɔgɔw ka mara daan ye ka kɛɲɛ n'u ka fadenyabolow ye.

¹³ U ye niyɔrɔ di Yefunɛ dencɛ Kalɛbu ma Zuda kɔmɔgɔw ka mara cɛma, ka kɛɲɛ ni Masaba ka fɔta ye Zozuwe ye, u ye Kiriyataraba d'a ma, min ye Eburɔn ye. Ariba tun ye Anaki facɛ ye.

¹⁴ Kalɛbu ye Anaki deen saba gwɛn ka bɔ, olu tun ye Sesayi ni Ayiman ani Talimayi ye, Anaki deenw lo.

¹⁵ A bɔra o yɔrɔ la ka taga Debirikaw kama. Fɔlɔfɔlɔ, u tun be Debiri wele ko Kiriyati Sefɛri.

¹⁶ O yɔrɔ la, Kalɛbu y'a fɔ ko ni mɔgɔ min sera ka Kiriyati Sefɛri kɛlɛ k'a minɛ, ko ale ben'a denmuso Akisa di o tigi ma a k'a furu.

¹⁷ Kalɛbu balimacɛ Kenazi dencɛ Otiniyɛli tagara dugu nin kɛlɛ k'a minɛ. Kalɛbu y'a denmuso Akisa d'a ma, a y'a furu.

¹⁸ A sera Otiniyɛli fɛ tuma min na, Akisa y'a fɔ a cɛɛ ye ko: «Taga yɔrɔ dɔ ɲini n facɛ fɛ.» Muso nin wilila ka taga se yɔrɔ min na dɔrɔn ka jigi fali kan, Kalɛbu y'a fɔ a ye ko: «Mun le kɛra?»

¹⁹ A y'a jaabi ko a ka koɲuman kɛ ale ye, ko ale Kalɛbu ye worodugu ɲafan mara d'a ma minkɛ, k'o la, a ka dalan dɔw fana d'a ma. Dalan minw tun be kuluyɔrɔ la ani dugumala la, Kalɛbu ye olu d'a ma.

²⁰ Zuda kɔmɔgɔw niyɔrɔ filɛ nin ye ka kɛɲɛ n'u ka fadenyabolow ye.

²¹ Dugubaba minw tun be worodugu ɲafan na, Zuda kɔmɔgɔw ka mara daan la, ka taga Edɔmu mara daan la, olu tun ye nunu ye: Kabiseyɛli, ni Edɛri, ani Yaguri,

²² Kina, ni Dimona, ani Adeyada,

²³ Kedɛsi, ni Asɔri, ani Yitinan,

²⁴ ni Zifu, ni Tɛlɛmu, ani Beyalɔti,

²⁵ Asɔri Adata, ni Keriyɔti Ɛsirɔn min ye Asɔri ye,

²⁶ ani Amamu, ni Sɛma, ani Molada,

²⁷ Asari Gada, ni Ɛsimɔn, ani Bɛtipɛlɛti,

²⁸ Asari Suwali ni Bɛriseba, ani Biziyoteya,

²⁹ Baala ni Iyimu, ani Esɛmu,

³⁰ Ɛlitoladi, ni Kezili, ani Ɔrima,

³¹ Sikilagi, ni Madimana, ani Sansanna,

³² Lebawɔti ni Sileyimu, ni Ayini, ani Irimɔn. U bɛɛ lajɛnnin ye dugubaba mugan ni kɔnɔntɔn ye, k'u ka maraw fara u kan.

³³ Dugu minw be kulujukɔrɔ mara la, olu ye: Ɛsitawɔli ni Soreya, ani Asina,

³⁴ Zanowa, ni Ɛnganimu ni Tapuwa, ani Ɛnamu,

³⁵ Yarimuti, ni Adulamu ni Soko, ani Azeka,

³⁶ Saarayimu, ni Aditayimu, ni Gedara, ani Gederotayimu, o ye dugubaba tan ni naani ye, n'u ka maraw.

³⁷ Senan ni Adasa, ani Migidaligadi,

³⁸ Dileyan, ni Misipe, ni Yokiteyɛli,

³⁹ Lakisi ni Botisikati, ani Egilɔn,

⁴⁰ Kabɔn ni Lamasi, ani Kitilisi,

⁴¹ Gederɔti ni Bɛtidagɔn ni Naama, ani Makeda, o ye dugubaba tan ni wɔɔrɔ ye, n'u ka maraw.

⁴² Libina ni Etɛri ani Asan,

⁴³ Yifita, ni Asina, ani Nesibu,

⁴⁴ Keyila ni Akizibu ani Maresa, o ye dugubaba kɔnɔntɔn ye, n'u ka maraw.

⁴⁵ Ekurɔn n'a ka mara dugubaba n'u ka maraw,

⁴⁶ ani dugu minw bɛɛ tun be Ekurɔn tileben fɛ, Asidɔdi faan fɛ, n'u ka maraw,

⁴⁷ ni Asidɔdi, n'a ka dugubabaw n'a ka maraw la, ni Gaza n'a lamini dugubabaw n'a ka maraw la, fɔɔ ka taga se Ezipiti kɔɔ ma, ni kɔgɔjiba ma.

⁴⁸ Dugu minw be kuluyɔrɔ la, o ye: Samiri ni Yatiri ni Soko,

⁴⁹ Dana ni Kiriyati Sana, min be wele ko Debiri,

⁵⁰ Anabu ni Ɛsitemo ani Animu,

⁵¹ Gosɛn ani Olɔn, ani Gilo. O ye dugubaba tan ni kelen ye, n'u ka maraw.

⁵² Arabu, ni Duma ni Eseyan,

⁵³ ani Yanumu, ni Bɛtitapuwa, ani Afɛki,

⁵⁴ Umeta ni Kiriyataraba, ale min ye Eburɔn ye, ni Siyɔri, o ye dugubaba kɔnɔntɔn ye, n'u ka maraw.

⁵⁵ Maŋɔn, ni Karimɛli ani Zifu, ni Yuta,

⁵⁶ Zizireyɛli ni Yɔkideyamu, ani Zanowa,

⁵⁷ Kayini, ni Gibeya, ani Timuna, o ye dugubaba tan ye, n'u ka maraw.

⁵⁸ Aluli, ni Bɛtisuri, ani Gedɔri,

⁵⁹ Maarati, ni Bɛtanɔti, ani Ɛlitekɔn, o ye dugubaba wɔɔrɔ ye n'u ka maraw.

⁶⁰ Kiriyati Baali min ye Kiriyati Yarimu ye ani Araba, o ye dugubaba fila ye n'u ka maraw.

⁶¹ Kongokolon kɔnɔ duguw ye: Bɛtaraba ni Midin ani Sekaka,

⁶² Nibisan ni Irimɛla, ani Ɛngɛdi, o ye dugubaba wɔɔrɔ ye, n'u ka maraw.

⁶³ Zuda kɔmɔgɔw ma se ka zebuziw gwɛn ka bɔ Zeruzalɛmu, u ni zebuziw be ɲɔgɔn fɛ fɔɔ ka na se bii ma Zeruzalɛmu dugu kɔnɔ.