Yosuwe 12 - ALA KA KUMA

Zozuwe sera masacɛ minw kɔrɔ

¹ Isirayɛlidenw ka see u kɔrɔ jamana nin kɔnɔ, k'u ka maraw minɛ k'o kɛ u yɛrɛ ta ye Zurudɛn kɔfɛ, k'a ta kɔrɔn fɛ Arinɔn kɔɔ daa la, fɔɔ ka taga se Ɛrɛmɔn kulu kan, ani Araba mara la, olu filɛ nin ye:

² Amoriw ka masacɛ Siŋɔn, ale tun siginin be Ɛsibɔn. Ale tun be yɔrɔ minw mara o tun be daminɛ Arowɛri dugu la, min be Arinɔn kɔɔ daa la, fɔɔ ka taga se kɔkɛnɛ nin cɛmancɛ la ka tɛmɛ Galaadi mara tilancɛ kelen na, ka taga se Yabɔki kɔɔ daa la, min be amoniw ka mara daan na,

³ ani kɔkɛnɛ mara la kɔrɔn fɛ k'a ta Kinerɛti baa ma ka taga se *Kɔgɔji Fariman ma Bɛtiyesimɔti gɛrɛfɛ, ani ka taga se Pisiga kulu jukɔrɔ worodugu ɲafan la.

⁴ *Basan masacɛ Ɔgi, ale kelen le kɛra erefaw tɔɔ ye, a tun siginin be Asitarɔti ni Edirɛyi.

⁵ Ale tun ye yɔrɔ minw mara o ye Ɛrɛmɔn kulu yɔrɔ ye, ni Salika, ani Basan mara bɛɛ fɔɔ ka taga se Gɛsurikaw ni Maakakaw ka mara daan na, ani Galaadi mara tilancɛ, fɔɔ Ɛsibɔn masacɛ Siŋɔn ka mara daan na.

⁶ Masaba ka baarakɛla Musa ni Isirayɛlidenw y'u kɛlɛ ka see u kɔrɔ. A y'u ka jamana minɛ k'o di Manase kɔmɔgɔw tilancɛ kelen ma, ni Urubɛn kɔmɔgɔw, ani Gadi taw ma.

⁷ Zozuwe ni Isirayɛlidenw ka see u kɔrɔ Zurudɛn baji kɔfɛ, ka taga tileben faan na, k'a ta Baaligadi, Liban kɔkɛnɛ na fɔɔ ka na se Alaki kulu ma min be *Seyiri mara faan fɛ, Zozuwe ye olu ka maraw bɛɛ di Isirayɛlidenw ma, u kelen kelen bɛɛ n'u ta,

⁸ k'a ta kuluyɔrɔ la, ni kulujukɔrɔ mara la, ani Araba mara la, ni yɔrɔjigijigininw na, ani kongokolon na, ni worodugu ɲafan na, minw ye itiw ka mara ni amoriw ni kanaanw ani periziw, ni iviw, ani zebuziw ka maraw ye.

⁹ A sera masacɛ minw kɔrɔ, olu tun ye Zeriko masacɛ ye, ni Ayi min tun be Betɛli gɛrɛfɛ, o masacɛ,

¹⁰ ani Zeruzalɛmu masacɛ, Eburɔn masacɛ,

¹¹ Yarimuti masacɛ, Lakisi masacɛ,

¹² Egilɔn masacɛ, Gezɛri masacɛ,

¹³ Debiri masacɛ, Gɛdɛri masacɛ,

¹⁴ Ɔrima masacɛ, Aradi masacɛ,

¹⁵ Libina masacɛ, Adulamu masacɛ,

¹⁶ Makeda masacɛ, Betɛli masacɛ fana,

¹⁷ Tapuwa masacɛ, Efɛri masacɛ,

¹⁸ Afɛki masacɛ, Lasarɔn masacɛ,

¹⁹ Madɔn masacɛ, Asɔri masacɛ,

²⁰ Simurɔn Merɔn masacɛ, Akisafi masacɛ,

²¹ Tanaki masacɛ, Megido masacɛ,

²² Kedɛsi masacɛ, Yokineyamu masacɛ min be Karimɛli kulu kan,

²³ Dɔri min be kulu kan, o masacɛ, Goyimu masacɛ min be Giligali gɛrɛfɛ,

²⁴ Tirisa masacɛ. Masacɛ nunu lajɛnnin kɛra mɔgɔ bi saba ni kelen ye.