Nehemi 7 - ALA KA KUMA

Yɛrɛlabɛnko janko ka se ka dugu kɔlɔsi

¹ An ye kogo nin lɔ ka ban tuma min na, n ye koon don daaw la, an ye daaw kɔlɔsibagaw sigi u ka baara la, ani dɔnkililabagaw ni Levi kɔmɔgɔw.

² N ye dugu kalifa n baden Anani ma, ani masadugu kuntigi Ananiya, min ye mɔgɔtilennin ye, n'a be siran Ala ɲa ka tɛmɛ mɔgɔ caaman kan, n y'a koo don olu le bolo.

³ N y'a fɔ u ye ko Zeruzalɛmu dondaw tena yɛlɛ ni tile ma gwan, o fana bena to ka tugu ka sɔgɔ ni u kɔlɔsibagaw ka baara ma jigi fɔlɔ. Ko dugu kɔnɔ mɔgɔw bena to ka kɔlɔsili kɛ, dɔw k'o kɛ yɔrɔ latigɛnin dɔw la, dɔw k'o kɛ u ka soo daaw la.

⁴ Dugu nin tun ka bon kosɔbɛ, nga mɔgɔ caaman tun t'a kɔnɔ, soow tun ma lalaga ka lɔ fɔlɔ.

Zuwifu minw tun kɔsegira

⁵ O tuma na, ne ka Ala y'a don ne kɔnɔ ko n ka ɲamɔgɔw ni kititigɛlaw ani jama lajɛn k'u jati. Mɔgɔ minw tun kɔnna ka na, olu tɔgɔw be sɛbɛ min kɔnɔ, ne y'o ta ka tɔgɔ minw sɔrɔ a kɔnɔ, olu filɛ nin ye:

⁶ Babilɔni masacɛ Nabukodonozɔri tun ye mara nin mɔgɔ minw minɛ ka taga n'u ye jɔnya la a fɛ, n'u kɔsegira ka bɔ jɔnya la ka na Zeruzalɛmu, Zuda mara la, u kelen kelen bɛɛ u ka dugu kɔnɔ, olu tɔgɔ filɛ nin ye,

⁷ minw bɔra ni Zorobabɛli ye ani Yesuwa, ni Neemi ani Azariya, ni Araamiya ani Naamani, ni Maridose ani Bilisan, ni Misipɛrɛti ani Bigibayi, ni Neyumu ani Baana. Isirayɛlidenw minw tun kɔgɔra, olu daa filɛ nin ye:

⁸ Parewɔsi kɔmɔgɔw tun ye mɔgɔ waa kelen ni kɛmɛ ni bi wolonwula ni fila (1 172) ye,

⁹ Sefatiya taw tun ye mɔgɔ kɛmɛ saba ni bi wolonwula ni fila ye.

¹⁰ Ara kɔmɔgɔw tun ye mɔgɔ kɛmɛ wɔɔrɔ ni bi duuru ni fila ye.

¹¹ Paati Mowabu deenw Yesuwa ni Zowabu kɔmɔgɔw tun ye mɔgɔ waa fila ni kɛmɛ seegi ni tan ni seegi (2 818) ye.

¹² Elamu kɔmɔgɔw tun ye mɔgɔ waa kelen ni kɛmɛ fila ni bi duuru ni naani (1 254) ye.

¹³ Zatu taw tun ye kɛmɛ seegi ni bi naani ni duuru ye.

¹⁴ Zakayi kɔmɔgɔw tun ye kɛmɛ wolonwula ni bi wɔɔrɔ ye.

¹⁵ Binuwi taw tun ye mɔgɔ kɛmɛ wɔɔrɔ ni bi naani ni seegi ye.

¹⁶ Bebayi kɔmɔgɔw tun ye mɔgɔ kɛmɛ wɔɔrɔ ni mugan ni seegi ye.

¹⁷ Azigadi kɔmɔgɔw tun ye mɔgɔ waa fila ni kɛmɛ saba ni mugan ni fila (2 322) ye.

¹⁸ Adonikamu kɔmɔgɔw tun ye mɔgɔ kɛmɛ wɔɔrɔ ni bi wɔɔrɔ ni wolonwula ye.

¹⁹ Bigibayi kɔmɔgɔw tun ye mɔgɔ waa fila ni bi wɔɔrɔ ni wolonwula (2 067) ye.

²⁰ Adin kɔmɔgɔw tun ye mɔgɔ kɛmɛ wɔɔrɔ ni bi duuru ni duuru ye.

²¹ Atɛri kɔmɔgɔw, minw ye Izikiya deenw ye, olu tun ye mɔgɔ bi kɔnɔntɔn ni seegi ye.

²² Asumu kɔmɔgɔw tun ye mɔgɔ kɛmɛ saba ni mugan ni seegi ye.

²³ Besayi kɔmɔgɔw tun ye mɔgɔ kɛmɛ saba ni mugan ni naani ye.

²⁴ Arifu kɔmɔgɔw tun ye mɔgɔ kɛmɛ ni tan ni fila ye.

²⁵ Gabaŋɔn kɔmɔgɔw tun ye mɔgɔ bi kɔnɔntɔn ni duuru ye.

²⁶ Bɛtilehɛmukaw ni Netofakaw tun ye mɔgɔ kɛmɛ ni bi seegi ni seegi ye,

²⁷ Anatɔtikaw tun ye mɔgɔ kɛmɛ ni mugan ni seegi ye.

²⁸ Bɛtazimawɛtikaw tun ye mɔgɔ bi naani ni fila ye.

²⁹ Kiriyatayimukaw ni Kefirakaw ni Berɔtikaw tun ye mɔgɔ kɛmɛ wolonwula ni bi naani ni saba ye.

³⁰ Aramakaw ni Gebakaw tun ye mɔgɔ kɛmɛ wɔɔrɔ ni mugan ni kelen ye.

³¹ Mikimasikaw tun ye mɔgɔ kɛmɛ ni mugan ni fila ye.

³² Betɛlikaw ni Ayikaw tun ye mɔgɔ kɛmɛ ni mugan ni saba ye.

³³ Nebo dɔ nin mɔgɔw tun ye mɔgɔ bi duuru ni fila ye.

³⁴ Elamu dɔ nin mɔgɔw tun ye mɔgɔ waa kelen ni kɛmɛ fila ni bi duuru ni naani (1 254) ye.

³⁵ Arimu kɔmɔgɔw tun ye mɔgɔ kɛmɛ saba ni mugan ye.

³⁶ Zerikokaw tun ye mɔgɔ kɛmɛ saba ni bi naani ni duuru ye.

³⁷ Lɔdikaw ni Adidikaw ani Onokaw tun ye mɔgɔ kɛmɛ wolonwula ni mugan ni kelen ye.

³⁸ Senaa kɔmɔgɔw tun ye mɔgɔ waa saba ni kɛmɛ kɔnɔntɔn ni bi saba (3 930) ye.

³⁹ Sarakalasebagaw cɛma, Yedaya kɔmɔgɔw, n'o ye Yesuwa ka somɔgɔw ye, olu tun ye mɔgɔ kɛmɛ kɔnɔntɔn ni bi wolonwula ni saba ye,

⁴⁰ Imɛri kɔmɔgɔw tun ye mɔgɔ waa kelen ni bi duuru ni fila (1 052) ye,

⁴¹ Pasewuri kɔmɔgɔw tun ye mɔgɔ waa kelen ni kɛmɛ fila ni bi naani ni wolonwula (1 247) ye,

⁴² Arimu kɔmɔgɔw tun ye mɔgɔ waa kelen ni tan ni wolonwula (1 017) ye.

⁴³ Levi kɔmɔgɔw cɛma, mɔgɔ bi wolonwula ni naani tun be yen. Olu tun ye Odawiya kɔmɔgɔ Yesuwa ni Kadimiyɛli kɔmɔgɔw ye.

⁴⁴ Dɔnkilibagaw cɛma, Azafu kɔmɔgɔw tun ye mɔgɔ kɛmɛ ni bi naani ni seegi ye.

⁴⁵ Daa kɔlɔsibagaw cɛma, Salumu kɔmɔgɔw ni Atɛri kɔmɔgɔw, ani Talimɔn kɔmɔgɔw, ni Akubu kɔmɔgɔw, ani Atita kɔmɔgɔw, ni Sobayi kɔmɔgɔw, tun ye mɔgɔ kɛmɛ ni bi saba ni seegi ye.

⁴⁶ Alabatoso kɔnɔ baaradenw cɛma, olu tun ye Siwa kɔmɔgɔw ye, ni Asufa taw, ani Tabawɔti taw,

⁴⁷ ni Kerɔsi taw, ni Siya taw, ani Padɔn taw,

⁴⁸ ni Lebana taw, ni Agaba taw, ani Salamayi taw,

⁴⁹ ni Anan taw, ni Gidɛli taw, ani Gaari taw,

⁵⁰ ni Ereyaya taw, ni Eresin taw, ani Nekoda taw,

⁵¹ ni Gazamu taw, ni Uza taw, ani Paseya taw,

⁵² ni Besayi taw, ni Mewunimu taw, ani Nefusimu taw,

⁵³ ni Bakibuki taw, ni Akufa taw, ani Aruri taw,

⁵⁴ ni Basiliti taw, ni Meyida taw, ani Arisa taw,

⁵⁵ ni Barikɔsi taw, ni Sizera taw, ani Tama taw,

⁵⁶ ni Nesiya taw ani Atifa taw ye.

⁵⁷ Solomani ka baaradenw kɔmɔgɔw filɛ nin ye: Sotayi kɔmɔgɔw ni Soferɛti taw, ani Perida taw,

⁵⁸ ni Yaala taw, ni Darikɔn taw, ani Gidɛli taw,

⁵⁹ ni Sefatiya taw, ni Atili taw, ani Pokerɛti Asebayimu taw, ani Amɔn taw ye.

⁶⁰ Alabatoso kɔnɔ baaradenw ni Solomani ka baaradenw kɔmɔgɔw tun ye mɔgɔ kɛmɛ saba ni bi kɔnɔntɔn ni fila ye.

⁶¹ Minw bɔra Tɛlimɛla ni Tɛlarisa ani Kerubu ni Adɔn ani Imɛri, n'u ma se k'u buruju yira ko u ka somɔgɔw bɔra Isirayɛli la, olu filɛ nin ye:

⁶² Delaya kɔmɔgɔw, ni Tobiya taw, ani Nekoda taw. U tun ye mɔgɔ kɛmɛ wɔɔrɔ ni bi naani ni fila ye.

⁶³ Sarakalasebaga dɔw fana tun be ten, o ye Obaya kɔmɔgɔw, ni Akɔsi taw, ani Barizilayi taw ye. Barizilayi nin tun ye Galaadika Barizilayi denmuso furu, o la, u tun b'a wele ten.

⁶⁴ Olu ka somɔgɔw tɔgɔ be sɛbɛ min kɔnɔ, u y'o yaala, u ma se k'a ye. O la, u niin bɔra sarakalasebagaya la, k'u saniyanin tɛ.

⁶⁵ O kosɔn, masacɛ ka lasigiden y'a fɔ k'u kana Ala ka yɔrɔ dumuni dumu fɔɔ sarakalasebaga ka sɔrɔ min be baara kɛ ni *Urimu ani *Tumimu ye.

⁶⁶ Jama bɛɛ lajɛnnin tun ye mɔgɔ waa bi naani ni fila ani mɔgɔ kɛmɛ saba ni bi wɔɔrɔ (42 360) ye.

⁶⁷ U ka baaraden cɛman ni musoman mɔgɔ waa wolonwula ni kɛmɛ saba ni bi saba ni wolonwula (7 337) niin t'a la. Dɔnkililabaga cɛman ni musoman mɔgɔ kɛmɛ fila ni bi naani ni duuru fana tun be yi.

⁶⁸ Ɲɔgɔmɛ tun ye kɛmɛ naani ni bi saba ni duuru, ni fali waa wɔɔrɔ ni kɛmɛ wolonwula ni mugan (6 720) ye.

⁶⁹ Gwatigi dɔw tun ye fɛɛn dɔw di baara kama. Masacɛ ka lasigiden tun ye sanukuru waa kelen (1 000) di, ni filen bi duuru, ani sarakalasebagaw ka fani deen kɛmɛ duuru ni bi saba.

⁷⁰ Gwatigi dɔw ye sanukuru waa mugan (20 000) don kɛsu kɔnɔ baara nin kama, ani warigwɛ tɔni kelen ni kilo kɛmɛ.

⁷¹ Jama tɔɔ ye min di, o kɛra sanukuru waa mugan ye, ni warigwɛ tɔni kelen ye, ani sarakalasebagaw ka fani deen bi wɔɔrɔ ni wolonwula.

⁷² Sarakalasebagaw ni Levi kɔmɔgɔ tɔw, ani daa kɔlɔsibagaw ni dɔnkililabagaw, ani Alabatoso kɔnɔ baaradenw, ni Isirayɛliden tɔw bɛɛ sigira u ka duguw kɔnɔ. Kalo wolonwulanan na, Isirayɛlidenw bɛɛ tun b'u ka duguw kɔnɔ.