Nehemi 11 - ALA KA KUMA

Zuwifu minw nana Zeruzalɛmu

¹ Jama ɲamɔgɔw nana sigi Zeruzalɛmu. Jama tɔw ye kala la janko k'u tilan sigiyɔrɔ tan. Sigiyɔrɔ kelen ka na sigi Zeruzalɛmu kɔnɔ, min ye dugu senuman ye, tɔw ka to dugu tɔɔ nunu kɔnɔ.

² Mɔgɔ minw sɔnna u yɛrɛ ma k'olu bena sigi Zeruzalɛmu, jama ye duba kɛ olu ye.

³ Mara nin kɔnɔ ɲamɔgɔ minw sigira Zeruzalɛmu, olu le ye nunu ye: Isirayɛlidenw bɛɛ, ni sarakalasebagaw, ni Levi kɔmɔgɔ tɔw, ni Ala ka soo kɔnɔ baarakɛlaw, ani Solomani ka baaradenw kɔmɔgɔw, olu dɔw tagara sigi u ka yɔrɔw la u ka duguw kɔnɔ Zuda mara la.

⁴ Zuda ni Bɛnzamɛn kɔmɔgɔ dɔw sigira Zeruzalɛmu dugu kɔnɔ. Zuda kɔmɔgɔ minw sigira yen, o ye: Pɛrɛti kɔmɔgɔ dɔ, Maalalɛli deen Sefatiya deen Amariya dencɛ Zakari deen Uziya dencɛ Ataya ye,

⁵ ani Siloni kɔmɔgɔ Zakari deen Yozaribu deen Adaya deen Azaya deen Koloze deen Baruki dencɛ Maaziya ye.

⁶ Pɛrɛti kɔmɔgɔ minw sigira Zeruzalɛmu, olu bɛɛ lajɛnnin tun ye mɔgɔ kɛmɛ naani ni bi wɔɔrɔ ni seegi ye. U bɛɛ tun be se u yɛrɛ kɔrɔ.

⁷ Bɛnzamɛn kɔmɔgɔ minw sigira Zeruzalɛmu, o ye: Yesaya deen Itiyɛli, deen Maaziya deen Kolaya deen Pedaya deen Yowɛdi deen Mesulamu dencɛ Salu ye,

⁸ ni Gabayi ni Salayi minw fana tugura ale kɔ. Olu bɛɛ lajɛnnin kɛra mɔgɔ kɛmɛ kɔnɔntɔn ni mugan ni seegi ye.

⁹ Zikiri dencɛ Yowɛli le tun y'u ɲamɔgɔ ye, ani Senuwa dencɛ Yewuda tun y'ale ka lankan ye dugu nin kɔnɔ.

¹⁰ Sarakalasebaga minw sigira Zeruzalɛmu, olu filɛ: Yoyaribu dencɛ Yedaya, ni Yakin,

¹¹ ani Ayitubi deen Merayɔti deen Sadɔki deen Mesulamu deen Ilikiya dencɛ Seraya, ale tun ye Ala ka soo ɲamɔgɔ ye,

¹² n'u baden minw tun be baara kɛ Ala ka soo kɔnɔ, olu bɛɛ lajɛnnin tun kɛra mɔgɔ kɛmɛ seegi ni mugan ni fila ye. Malikiya deen Pasewuri deen Zakari deen Amusi deen Pelaliya deen Yerowamu dencɛ Adaya,

¹³ n'ale badenw, minw tun ye gwatigiw ye, olu bɛɛ lajɛnnin kɛra mɔgɔ kɛmɛ fila ni bi naani ni fila ye. Ani Imɛri deen Mesilemɔti deen Azayi deen Azareyɛli dencɛ Amasayi,

¹⁴ n'a badenw, olu bɛɛ lajɛnnin tun kɛra mɔgɔ kɛmɛ ni mugan ni seegi ye, cɛfariw tun lo. Gedolimu dencɛ Zabidiyɛli le tun y'u ɲamɔgɔ ye.

¹⁵ Levi kɔmɔgɔ minw sigira Zeruzalɛmu, o ye: Buni deen Asabiya deen Azirikamu deen Asuba dencɛ Semaya ye,

¹⁶ ani Sabitayi ni Yozabadi, olu le tun be Levi kɔmɔgɔw ɲafɛ n'u be to ka kɛnɛma koow ɲanabɔ Ala ka soo kɔnɔ.

¹⁷ Ani Azafu deen Zabidi deen Mika dencɛ Mataniya, ale lo tun be to ka bila Ala daalili ɲafɛ, Bakibukiya ka tugu ale kɔ u badenw cɛma, ani Yedutun deen Galali deen Samuwa ka dencɛ Abida.

¹⁸ Levi kɔmɔgɔw bɛɛ lajɛnnin minw tun be dugu senuman nin kɔnɔ, olu tun kɛra mɔgɔ kɛmɛ fila ni bi seegi ni naani ye.

¹⁹ Daa kɔlɔsibaga minw sigira Zeruzalɛmu, o filɛ: Akubu ni Talimɔn ani u baden daa kɔlɔsibagaw bɛɛ lajɛnnin tun ye mɔgɔ kɛmɛ ni bi wolonwula ni fila ye.

²⁰ Isirayɛliden tɔw, ni sarakalasebagaw, ni Levi kɔmɔgɔ tɔw, u kelen kelen bɛɛ tagara sigi u yɛrɛ faso la Zuda mara duguw kɔnɔ.

²¹ Minw tun be baara kɛ Ala ka soo kɔnɔ, olu sigira Ofɛli tintin kan, Siha ni Gisipa tun kɛra olu ɲamɔgɔw ye.

²² Levi kɔmɔgɔ minw tun be Zeruzalɛmu, olu ɲamɔgɔ tun ye Mika deen Mataniya deen Asabiya deen Bani dencɛ Uzi ye, Azafu kɔmɔgɔw dɔ tun lo, minw tun ye dɔnkililabagaw ye Ala ka soo kɔnɔ.

²³ Dɔnkililabaga nunu tun ka kan ka baara min kɛ loon o loon, masacɛ tun y'o latigɛ.

²⁴ Mesezabeyɛli dencɛ Petaya min tun ye Zuda dencɛ Zera kɔmɔgɔw dɔ ye, masacɛ ye ale sigi k'a kɛ jama ka koo ɲanabɔbaga ye.

Zuwifu minw sigira mara nin kɔnɔ

²⁵ Zuda kɔmɔgɔ dɔw sigira dugu minw kɔnɔ, o filɛ: Kiriyataraba n'a maraw, ani Dibɔn n'a maraw, ani Yekabiseyɛli n'a maraw,

²⁶ ni Yesuwa ni Molada ni Bɛtipɛlɛti,

²⁷ ani Asarisuwali, ni Bɛriseba n'a maraw la,

²⁸ ani Sikilagi ni Mekona n'a maraw la.

²⁹ U dɔw sigira fana Ɛnrimɔn ni Soreya ani Yarimuti,

³⁰ ani Zanowa ni Adulamu n'u maraw, ni Lakisi n'a kongo kɔnɔ, ani Azeka n'a maraw la. U sigira k'a ta Bɛriseba fɔɔ ka taga se Inɔmu kɔkɛnɛ na.

³¹ Bɛnzamɛn kɔmɔgɔw sigira Geba ni Mikimasi ni Aya ani Betɛli n'a maraw la.

³² U dɔw sigira fana Anatɔti ni Nɔbi ani Ananiya,

³³ ni Asɔri ni Arama ni Gitayimu,

³⁴ ani Adadi ni Seboyimu ani Nebalati,

³⁵ ani Lɔdi ni Ono, ani Bololabaarakɛlaw ka kɔkɛnɛ na.

³⁶ Levi kɔmɔgɔ dɔw bɔra Zuda kɔmɔgɔw ka mara la ka taga sigi Bɛnzamɛn kɔmɔgɔw ka mara la.