Jateri 2 - ALA KA KUMA

Isirayɛli deenw kɔmɔgɔw sigicogo

¹ Masaba kumana Musa ni Arɔn fɛ ko:

² «Isirayɛlidenw bena sigi u ka mɔgɔw la kɛlɛdenw jɛnkulu sigiyɔrɔ la, u ka taamasiɲɛw kɔrɔ, Ɲɔgɔnkunbɛn fanibugu gɛrɛfɛ k'a lamini, ka furancɛ to u ni ɲɔgɔn cɛ.

³ «Zuda kɔmɔgɔw la kɛlɛdenw jɛnkulu bena sigi u ka taamasiɲɛ kɔrɔ kɔrɔn fɛ. U kuntigi ye Aminadabu dencɛ Nasɔn ye.

⁴ Kɛlɛden waa bi wolonwula ni naani ani kɛmɛ wɔɔrɔ (74 600) le b'a fɛ.

⁵ Isakari kɔmɔgɔw bena sigi Zuda ta gɛrɛfɛ. U kuntigi ye Suwari dencɛ Netanɛli ye.

⁶ A ka kɛlɛdenw ye mɔgɔ waa bi duuru ni naani ani kɛmɛ naani (54 400) ye.

⁷ Zabulɔn ta fana ka sigi olu gɛrɛfɛ, u kuntigi ye Elɔn dencɛ Eliyabu ye.

⁸ A ka kɛlɛdenw ye mɔgɔ waa bi duuru ni wolonwula ani kɛmɛ naani (57 400) ye.

⁹ Zuda kɔmɔgɔw la kɛlɛdenw bɛɛ lajɛnnin kɛra mɔgɔ waa kɛmɛ ni bi seegi ni wɔɔrɔ ani kɛmɛ naani (186 400) ye. Olu le be bila ɲafɛ.

¹⁰ «Urubɛn kɔmɔgɔw la kɛlɛdenw bena sigi worodugu ɲafan fɛ u ka taamasiɲɛ kɔrɔ. U kuntigi ye Sedewuri dencɛ Elisuri ye.

¹¹ A ka kɛlɛdenw ye mɔgɔ waa bi naani ni wɔɔrɔ ani kɛmɛ duuru (46 500) ye.

¹² Simeyɔn kɔmɔgɔw ta bena sigi olu gɛrɛfɛ, u kuntigi ye Surisadayi dencɛ Selumiyɛli ye.

¹³ A ka kɛlɛdenw ye mɔgɔ waa bi duuru ni kɔnɔntɔn ani kɛmɛ saba (59 300) ye.

¹⁴ Gadi kɔmɔgɔw fana bena sigi olu gɛrɛfɛ, u kuntigi ye Erewuyɛli dencɛ Eliyazafu ye.

¹⁵ A ka kɛlɛdenw ye mɔgɔ waa bi naani ni duuru ani kɛmɛ wɔɔrɔ ni bi duuru (45 650) ye.

¹⁶ Urubɛn kɔmɔgɔw la kɛlɛdenw bɛɛ lajɛnnin kɛra mɔgɔ waa kɛmɛ ni bi duuru ni kelen, ani kɛmɛ naani ni bi duuru (151 450) ye. Olu le bena kɛ filanan ye ka taga.

¹⁷ «O kɔ, Ɲɔgɔnkunbɛn fanibugu ni Levi kɔmɔgɔw bena tugu o jɛnkulu fila nunu kɔ, tɔw ka sɔrɔ ka tugu. N'u sigira yɔrɔ min na, n'u be wili o yɔrɔ la ka taga, u be taga ten. U kelen kelen bɛɛ n'u ka lɔyɔrɔ, u ka taamasiɲɛ kɔrɔ.

¹⁸ «Efarayimu kɔmɔgɔw la kɛlɛdenw bena sigi tileben fɛ, u ka taamasiɲɛ kɔrɔ. U kuntigi ye Amiwudi dencɛ Elisama ye.

¹⁹ A ka kɛlɛdenw ye mɔgɔ waa bi naani ani kɛmɛ duuru (40 500) ye.

²⁰ Manase kɔmɔgɔw bena sigi olu gɛrɛfɛ. U kuntigi ye Pedasuri dencɛ Gameliyɛli ye.

²¹ A ka kɛlɛdenw ye mɔgɔ waa bi saba ni fila ani kɛmɛ fila (32 200) ye.

²² Bɛnzamɛn kɔmɔgɔw fana bena sigi olu gɛrɛfɛ, u kuntigi ye Gidewoni dencɛ Abidan ye.

²³ A ka kɛlɛdenw ye mɔgɔ waa bi saba ni duuru ani kɛmɛ naani (35 400) ye.

²⁴ Efarayimu kɔmɔgɔw la kɛlɛdenw bɛɛ lajɛnnin kɛra mɔgɔ waa kɛmɛ ni seegi ani kɛmɛ (108 100) ye. Olu le bena kɛ sabanan ye ka tugu.

²⁵ «Dan kɔmɔgɔw la kɛlɛdenw bena sigi kɔgɔdugu ɲafan fɛ, u ka taamasiɲɛ kɔrɔ. U kuntigi ye Amisadayi dencɛ Ayezɛri ye.

²⁶ A ka kɛlɛdenw ye mɔgɔ waa bi wɔɔrɔ ni fila ani kɛmɛ wolonwula (62 700) ye.

²⁷ Asɛri kɔmɔgɔw bena sigi olu gɛrɛfɛ. U kuntigi ye Okiran dencɛ Pagiyɛli ye.

²⁸ A ka kɛlɛdenw ye mɔgɔ waa bi naani ni kelen ani kɛmɛ duuru (41 500) ye.

²⁹ Nɛfutali kɔmɔgɔw bena sigi olu gɛrɛfɛ. U kuntigi ye Enan dencɛ Ayira ye.

³⁰ A ka kɛlɛdenw ye mɔgɔ waa bi duuru ni saba ani kɛmɛ naani (53 400) ye.

³¹ Dan kɔmɔgɔw la kɛlɛdenw bɛɛ lajɛnnin kɛra mɔgɔ waa kɛmɛ ni bi duuru ni wolonwula ani kɛmɛ wɔɔrɔ (157 600) ye. Olu le be wili laban na n'u ka taamasiɲɛ ye ka tugu.»

³² Isirayɛliden minw tun jatira kɔmɔgɔ kɔmɔgɔ, o kɛlɛden minw jatira ka kɛɲɛ n'u ka jɛnkuluw ye, olu bɛɛ lajɛnnin kɛra mɔgɔ waa kɛmɛ wɔɔrɔ ni saba ani kɛmɛ duuru ni bi duuru (603 550) ye.

³³ Ka kɛɲɛ ni Masaba ka fɔta ye Musa ma, u ma Levi kɔmɔgɔw jati ka fara u kan.

³⁴ Masaba tun ye fɛɛn min bɛɛ fɔ Musa ye, Isirayɛlidenw y'o kɛ. N'u be wili ka taga sigi yɔrɔ dɔ tuma min na, u be taga sigi ten u ka taamasiɲɛ kɔrɔ, ka kɛɲɛ n'u ka fadenyabolow ani u ka somɔgɔw ye.