Ɛsidarasi 2 - ALA KA KUMA

Isirayɛlidenw min tagara Zuda mara la

¹ Nabukodonozɔri tun ye mɔgɔw minɛ Zuda mara la ka taga n'u ye jɔnya la Babilɔni. U bɔra o yɔrɔ la, ka kɔsegi ka taga Zeruzalɛmu, Zuda mara la, n'u kelen kelen bɛɛ ka duguw la.

² U kɔsegira n'u ɲamɔgɔw ye: Zorobabɛli, ani Zozuwe, ni Neemiya, ani Seraya, ni Ereelaya ani Maridose, ni Bilisan, ani Misipari, ni Bigiwayi, ani Ereyumu, ni Baana ye. Olu jɛnkulu mɔgɔ cɛmanw daa filɛ nin ye:

³ Parewɔsi kɔmɔgɔw tun ye mɔgɔ waa fila ni kɛmɛ ni bi wolonwula ni fila (2 172) ye.

⁴ Sefatiya kɔmɔgɔw tun ye mɔgɔ kɛmɛ saba ni bi wolonwula ni fila ye.

⁵ Ara kɔmɔgɔw tun ye mɔgɔ kɛmɛ wolonwula ni bi wolonwula ni duuru ye.

⁶ Paati Mowabu deenw Yesuwa ni Yowabu kɔmɔgɔw, tun ye mɔgɔ waa fila ni kɛmɛ seegi ni tan ni fila (2 812) ye.

⁷ Elamu kɔmɔgɔw tun ye mɔgɔ waa kelen ni kɛmɛ fila ni bi duuru ni naani (1 254) ye.

⁸ Zatu taw tun ye mɔgɔ kɛmɛ kɔnɔntɔn ni bi naani ni duuru ye.

⁹ Zakayi taw tun ye mɔgɔ kɛmɛ wolonwula ni bi wɔɔrɔ ye.

¹⁰ Bani taw tun ye mɔgɔ kɛmɛ wɔɔrɔ ni bi naani ni fila ye.

¹¹ Bebayi taw tun ye mɔgɔ kɛmɛ wɔɔrɔ ni mugan ni saba ye.

¹² Azigadi taw tun ye mɔgɔ waa kelen ni kɛmɛ fila ni mugan ni fila (1 222) ye.

¹³ Adonikamu kɔmɔgɔw tun ye mɔgɔ kɛmɛ wɔɔrɔ ni bi wɔɔrɔ ni wɔɔrɔ ye.

¹⁴ Bigiwayi kɔmɔgɔw tun ye mɔgɔ waa fila ni bi duuru ni wɔɔrɔ (2 056) ye.

¹⁵ Adin taw tun ye mɔgɔ kɛmɛ naani ni bi duuru ni naani ye.

¹⁶ Atɛri deen Ezekiyasi kɔmɔgɔw tun ye mɔgɔ bi kɔnɔntɔn ni seegi ye.

¹⁷ Besayi kɔmɔgɔw tun ye mɔgɔ kɛmɛ saba ni mugan ni saba ye.

¹⁸ Yora taw tun ye mɔgɔ kɛmɛ ni tan ni fila ye.

¹⁹ Asumu taw tun ye mɔgɔ kɛmɛ fila ni mugan ni saba ye.

²⁰ Gibari taw tun ye mɔgɔ bi kɔnɔntɔn ni duuru ye.

²¹ Mɔgɔ minw bɔra Bɛtilehɛmu, olu tun ye mɔgɔ kɛmɛ ni mugan ni saba ye.

²² Netofakaw tun ye mɔgɔ bi duuru ni wɔɔrɔ ye.

²³ Anatɔtikaw tun ye mɔgɔ kɛmɛ ni mugan ni seegi ye.

²⁴ Azimawɛtikaw tun ye mɔgɔ bi naani ni fila ye.

²⁵ Kiriyatayimukaw ni Kefirakaw ni Berɔtikaw tun ye mɔgɔ kɛmɛ wolonwula ni bi naani ni saba ye.

²⁶ Aramakaw ni Gebakaw tun ye mɔgɔ kɛmɛ wɔɔrɔ ni mugan ni kelen ye.

²⁷ Mikimasikaw tun ye mɔgɔ kɛmɛ ni mugan ni fila ye.

²⁸ Betɛlikaw ni Ayikaw tun ye mɔgɔ kɛmɛ fila ni mugan ni saba ye.

²⁹ Nebokaw tun ye mɔgɔ bi duuru ni fila ye.

³⁰ Magibisi kɔmɔgɔw tun ye mɔgɔ kɛmɛ ni bi duuru ni wɔɔrɔ ye.

³¹ Elamu dɔ nin kɔmɔgɔw tun ye mɔgɔ waa kelen ni kɛmɛ fila ni bi duuru ni naani (1 254) ye.

³² Arimu kɔmɔgɔw tun ye mɔgɔ kɛmɛ saba ni mugan ye.

³³ Lɔdikaw ni Adidikaw ni Onokaw tun ye mɔgɔ kɛmɛ wolonwula ni mugan ni duuru ye.

³⁴ Zerikokaw tun ye mɔgɔ kɛmɛ saba ni bi naani ni duuru ye.

³⁵ Senaakaw tun ye mɔgɔ waa saba ni kɛmɛ wɔɔrɔ ni bi saba (3 630) ye.

³⁶ Minw ye sarakalasebagaw ye, olu tun ye Yedaya deenw ye, o kɔrɔ ko Yesuwa ka somɔgɔw, olu tun ye mɔgɔ kɛmɛ kɔnɔntɔn ni bi wolonwula ni saba ye.

³⁷ Imɛri kɔmɔgɔw tun ye mɔgɔ waa kelen ni bi duuru ni fila (1 052) ye.

³⁸ Pasuri taw tun ye mɔgɔ waa kelen ni kɛmɛ fila ni bi naani ni wolonwula (1 247) ye.

³⁹ Arimu taw tun ye mɔgɔ waa kelen ni tan ni wolonwula (1 017) ye.

⁴⁰ Minw ye Levi kɔmɔgɔw ye, olu tun ye Yesuwa, ni Kadimiyɛli deenw ye, o kɔrɔ ko Odawiya kɔmɔgɔw, olu tun ye mɔgɔ bi wolonwula ni naani ye.

⁴¹ Dɔnkililabagaw, olu ye Azafu kɔmɔgɔw ye, mɔgɔ kɛmɛ ni mugan ni seegi tun lo.

⁴² Minw ye Alabatoso daa kɔlɔsibagaw ye, olu tun ye Salumu kɔmɔgɔw, ni Atɛri, ani Talimɔn, ni Akubu, ani Atita ni Sobayi. Olu kɔmɔgɔw bɛɛ lajɛnnin tun ye mɔgɔ kɛmɛ ni bi saba ni kɔnɔntɔn ye.

⁴³ Minw tun be Ala ka sokɔnɔbaara kɛra, olu bɛmaw filɛ nin ye: Siha, ni Azufa ani Tabawɔti, ani

⁴⁴ Kerɔsi, ni Siyaa ani Padɔn,

⁴⁵ Lebana, ni Agaba, ani Akubu kɔmɔgɔw.

⁴⁶ Agabu ani Salumayi ani Anan,

⁴⁷ Gidɛli ani Gaari ni Ereyaya,

⁴⁸ Eresin ni Nekoda ani Gazamu,

⁴⁹ Uza ani Pazeya ni Bezayi,

⁵⁰ Asina ni Mewunimu, ani Nefusimu,

⁵¹ Bakibuki ani Akufa ni Aruri,

⁵² Basiliti ni Meyida, ani Arisa,

⁵³ Barikɔsi, ani Sizera ni Tama,

⁵⁴ Nesiya ni Atifa.

⁵⁵ Minw ye Solomani ka baaradenw kɔmɔgɔw ye, olu tun ye Sotayi kɔmɔgɔw, ni Soferɛti, ani Peruda kɔmɔgɔw,

⁵⁶ Yaala, ni Darikɔn, ani Gidɛli kɔmɔgɔw,

⁵⁷ Sefatiya, ni Atili ani Pokerɛti Sebayimu ni Ami kɔmɔgɔw ye.

⁵⁸ Ala ka soo kɔnɔ baarakɛlaw ni Solomani ka baaradenw kɔmɔgɔw bɛɛ lajɛnnin tun ye mɔgɔ kɛmɛ saba ni bi kɔnɔntɔn ni fila ye.

⁵⁹ Minw bɔra Tɛlimɛla ka taga, ani Tɛlarisa, ni Kerubu, ni Adan, ani Imɛri n'u ma se k'u bɛmaw yira k'a yira ko u ye Isirayɛlidenw ye tiɲɛ na, olu filɛ nin ye:

⁶⁰ Delaya kɔmɔgɔw ni Tobiya, ani Nekoda kɔmɔgɔw mɔgɔ kɛmɛ wɔɔrɔ ni bi duuru ni fila,

⁶¹ ani minw ye sarakalasebagaw ye: Obaya kɔmɔgɔw, ni Akɔsi, ani Barizilayi kɔmɔgɔw, min tun ye Galaadika Barizilayi denmuso dɔ furu, n'u tun ye a birancɛ le tɔgɔ la a kan.

⁶² Olu y'u buruju ɲini ka dɛsɛ, u ma se k'a lɔn. O la, u ye olu niin bɔ sarakalasebaara la, ko u saniyanin tɛ.

⁶³ Masacɛ ka lasigiden y'a fɔ u ye ko dumuni min kɛra Ala ta ye, k'u kana o dumu fɔɔ ni sarakalasebaga dɔ y'a latigɛ *Urimu ni *Tumimu barika la.

⁶⁴ Mɔgɔ bɛɛ lajɛnnin tun ye mɔgɔ waa bi naani ni fila ani kɛmɛ saba ni bi wɔɔrɔ (42 360) ye,

⁶⁵ baaraden cɛmanw ni musomanw tun ma jati. Olu tun ye mɔgɔ waa wolonwula ni kɛmɛ saba ni bi saba ni wolonwula (7 337) ye. Dɔnkililabaga cɛmanw ni musomanw tun ye kɛmɛ fila ye.

⁶⁶ Soo kɛmɛ wolonwula ni bi saba ni wɔɔrɔ, ani sofali kɛmɛ fila ni bi naani ni duuru tun be u fɛ,

⁶⁷ ani ɲɔgɔmɛ kɛmɛ naani ni bi saba ni duuru, ni fali waa wɔɔrɔ ni kɛmɛ wolonwula ni mugan (6 720).

⁶⁸ U sera Masaba ka soo yɔrɔ la Zeruzalɛmu tuma min na, gwatigi dɔw ye boɲafɛnw di janko Ala ka soo ka se ka lɔ tugu a lɔyɔrɔkɔrɔ la.

⁶⁹ U seko ye min ye, u y'o di nafolo marayɔrɔ la baara kama. U sera ka sanu min di, o kɛra sanukuru waa bi wɔɔrɔ ni kelen (61 000) ye, ani warigwɛ tɔni fila ni tilan, ni sarakalasefani kɛmɛ.

⁷⁰ Sarakalasebagaw, ni Levi kɔmɔgɔ tɔw, ani jama cɛma, mɔgɔ dɔw, ni dɔnkililabagaw ani daa kɔlɔsibagaw, ni Ala ka soo kɔnɔ baarakɛlaw sigira u ka duguw kɔnɔ. Isirayɛliden tɔw bɛɛ fana tagara sigi u ka duguw kɔnɔ.