Ɛsitɛri 10 - ALA KA KUMA

Maridose ka fanga

¹ O kɔ, masacɛ Sɛrisɛsi ye lɛnpo dɔ sarako latigɛ a ka jamana kɔnɔ mɔgɔw ye fɔɔ ka taga se kɔgɔji cɛma dugukolow la, ani yɔrɔ wɛrɛw.

² Maridose ye koo minw bɛɛ kɛ a ka fanga kɔnɔ ni jagwɛlɛya ye, ani masacɛ ye boɲa min la a kan, u y'o bɛɛ sɛbɛn Mɛdi ni pɛrɛsiw ka masaw ka loon o loon kibaru sɛbɛ kɔnɔ.

³ Tiɲɛ na, Maridose le tun gwanna masacɛ Sɛrisɛsi kɔ. Zuwifuw tun b'a jati kosɔbɛ, ani a koo tun ka di u bɛɛ ye. Bari a tun be to k'a ka siya ka hɛrɛ le ɲini, ani u ka nafa be sɔrɔ koo minw na, a tun be to k'o le fɔ.