Damina 36 - ALA KA KUMA

Ezawu kɔmɔgɔw

¹ Ezawu min be wele ko Edɔmu, ale kɔmɔgɔw filɛ.

² Ezawu ye Kanaankaw ka deenw le furu. Olu tɔgɔw filɛ nin ye: iticɛ Elɔn denmuso Ada, ni Ana denmuso Olibama, min ye ivicɛ Sibeŋɔn mamaden ye,

³ ani Isimayɛli denmuso Basimati, ale min ye Nebayɔti balimamuso ye.

⁴ Ada ye Elifazi wolo Ezawu ye, Basimati ye Erewuyɛli wolo.

⁵ Olibama ye Yewusi ni Yayelamu ani Kora wolo. Olu tun ye Ezawu dencɛw ye minw wolola Kanaan jamana na.

⁶ Ezawu y'a musow n'a dencɛw n'a denmusow ani a ka somɔgɔw bɛɛ minɛ, ni a ka misiw n'a ka begɛn tɔw bɛɛ, ani a ye fɛɛn min bɛɛ sɔrɔ Kanaan jamana na, ka taga ni o bɛɛ ye jamana wɛrɛ la k'a yɔrɔ jaɲa a dɔgɔcɛ Yakuba la.

⁷ U bololafɛnw tun ka ca fɔɔ u tun te se ka to ɲɔgɔn fɛ. U siginin tun be yɔrɔ min na, u tun te se ka kun o yɔrɔ la u ka begɛnw caya kosɔn.

⁸ O la, Ezawu, u be min wele fana Edɔmu, ale tagara sigi *Seyiri mara kuluyɔrɔ la.

⁹ Ezawu kɔmɔgɔw filɛ nin ye, ale min ye edɔmuw bɛma ye, Seyiri kuluyɔrɔ la.

¹⁰ Ezawu dencɛw tɔgɔw filɛ nin ye: Ezawu muso Ada dencɛ Elifazi, n'a muso Basimati dencɛ Erewuyɛli.

¹¹ Elifazi dencɛw tun ye Teman ni Omaru ni Sefo ni Gayetamu ni Kenazi ye.

¹² Timuna tun ye Ezawu dencɛ Elifazi ka gɛrɛfɛmuso ye, ale ye Amalɛki wolo Elifazi ye. Olu le tun ye Ezawu muso Ada mamadenw ye.

¹³ Erewuyɛli dencɛw tun ye Naati ni Zera ni Sama ni Miza ye. Olu le tun ye Ezawu muso Basimati mamadenw ye.

¹⁴ Ezawu muso Olibama min tun ye Ana denmuso ani Sibeŋɔn mamaden ye, ale ye Yewusi ni Yayelamu ni Kora wolo Ezawu ye.

¹⁵ Ezawu kɔmɔgɔ minw tun ye kuntigiw ye, olu filɛ: Ezawu dencɛ fɔlɔ Elifazi dencɛ minw kɛra siya dɔw bɛmaw ye, olu ye: Teman ni Omaru ni Sefo ni Kenazi,

¹⁶ ni Kora ni Gayetamu ani Amalɛki ye. Olu le ye kuntigiw ye ka bɔ Elifazi deenw la Edɔmu jamana na. Ada mamadenw tun lo.

¹⁷ Ezawu dencɛ Erewuyɛli ka dencɛ minw kɛra kuntigiw ye, olu tun ye Naati ni Zera ni Sama, ani Miza ye. Olu le tun ye kuntigiw ye ka bɔ Erewuyɛli deenw na Edɔmu jamana na. Ezawu muso Basimati mamadenw tun lo.

¹⁸ Ezawu muso Olibama dencɛ minw kɛra kuntigiw ye, o tun ye Yewusi ni Yayelamu ani Kora ye. Olu le tun ye kuntigiw ye ka bɔ Ezawu muso Olibama deenw na, min ye Ana denmuso ye.

¹⁹ Olu ye Ezawu kɔmɔgɔw ye, ale min be wele ko Edɔmu. U kɛra kuntigiw ye u ka mɔgɔw cɛma.

Seyiri kɔmɔgɔw

²⁰ Oricɛ *Seyiri dencɛw filɛ nin ye, u tun ye o jamana dugulenw ye: Lotan ni Sobali ni Sibeŋɔn ni Ana,

²¹ ni Disɔn ni Esɛri ani Disan. Olu le tun ye oriw ka kuntigiw ye, Edɔmu jamana na.

²² Lotan dencɛw tun ye Ori ni Emamu ye. Timuna tun ye Lotan balimamuso ye.

²³ Sobali deenw tun ye Aliwan ni Manaati ni Ebali ni Sefo ani Onamu ye.

²⁴ Sibeŋɔn deenw tun ye Aya ni Ana ye. Ana le kɛra mɔgɔ fɔlɔ ye ka jii gwannin bɔyɔrɔ ye kongokolon kɔnɔ k'a to n'a facɛ Sibeŋɔn ka faliw ye u dɛndɛyɔrɔ la.

²⁵ Ana deenw tun ye Disɔn ye, n'a denmuso Olibama ye.

²⁶ Disɔn dencɛw tun ye Ɛmudan ni Ɛsiban ni Yitiran ani Keran ye.

²⁷ Esɛri dencɛw tun ye Bilan ni Zaawan ani Akan ye.

²⁸ Disan dencɛw tun ye Usi ni Aran ye.

²⁹ Minw tun ye oriw kuntigiw ye, olu ye: Lotan ni Sobali ni Sibeŋɔn ni Ana ye,

³⁰ ni Disɔn ni Esɛri ani Disan. Olu le tun ye oriw kuntigiw ye Seyiri mara la ka kɛɲɛ n'u ka gwasow ye.

Edɔmu masacɛw

³¹ Masacɛ minw sigira Edɔmu jamana kunna sanni Isirayɛlidenw ka masacɛ sɔrɔ, olu filɛ nin ye:

³² Bewɔri dencɛ Bɛla ka bɔ Dinaba, ale tun sigira Edɔmu kunna.

³³ Bɛla sara, Zera dencɛ Yobabu ka bɔ Bɔsira sigira ale nɔɔ na.

³⁴ Yobabu sara. Usamu sigir'a nɔɔ na, ka bɔ Teman kɔmɔgɔw ka jamana na.

³⁵ Usamu sara. Bedadi dencɛ Adadi ka bɔ Awiti sigir'a nɔɔ na. Ale lo sera madiyanw kɔrɔ Mowabu jamana na.

³⁶ Adadi sara, Samula sigir'a nɔɔ na ka bɔ Masareka.

³⁷ Samula sara. Sayuli sigir'a nɔɔ na ka bɔ Erewobɔti min be baa daa la.

³⁸ Sayuli sara, Akibɔri dencɛ Bali Anan sigir'a nɔɔ na.

³⁹ Akibɔri dencɛ Bali Anan sara, Adari ka bɔ Pawu sigir'a nɔɔ na. A muso tɔgɔ tun ko Meetabeyɛli, Mɛzaabu denmuso Matirɛdi denmuso tun lo.

⁴⁰ Kuntigi minw bɔra Ezawu la, olu tɔgɔw filɛ nin ye ka kɛɲɛ n'u ka fadenyabolow, n'u ka maraw ye: Timuna ni Aliwa ni Yetɛri,

⁴¹ ni Olibama ni Ela ni Pinɔn,

⁴² Kenazi ni Teman ni Mibusari,

⁴³ Magidiyɛli ani Iramu. Olu le tun ye Edɔmu jamana kuntigiw ye ka kɛɲɛ n'u ka sigiyɔrɔw ye u ka maraw la. Ezawu tun ye edɔmuw bɛma ye.