Damina 10 - ALA KA KUMA

Nuhun dencɛw kɔmɔgɔw

¹ Nuhun dencɛ Sɛmu ni Kamu ani Zafɛti kɔmɔgɔw filɛ nin ye, u ye dencɛ minw sɔrɔ jiba tɛmɛnin kɔ.

² Zafɛti dencɛw filɛ nin ye: Gomɛri ni Magɔgi ani Madayi ni Yaban, ani Tubali ni Mɛsɛki ani Tirasi.

³ Gomɛri dencɛw fana filɛ nunu ye: Asikenazi ni Irifati ani Togarima.

⁴ Yaban dencɛw filɛ fana: Elisa ni Tarisisi ani Kitimu ni Orodanimu.

⁵ Olu kɔmɔgɔw jɛnsɛnna ka kɛ siyaw ye minw sigira dugukolow kan jii cɛma ka kɛɲɛ n'u kelen kelen bɛɛ ka kaan fɔtaw ye, n'u ka fadenyabolow ye jamanaw kɔnɔ.

⁶ Kamu dencɛw filɛ nin ye: Kusi ni Misirayimu ani Puti ni Kanaan.

⁷ Kusi fana ka dencɛw filɛ nin ye: Seba ni Awila, ani Sabata ni Arayema, ani Sabiteka. Arayema dencɛw filɛ nin ye: Saba ni Dedan.

⁸ Kusi le tun ye Nɛmurɔdi wolo, ale lo kɔnna ka kɛ cɛfari ye dugukolo kan.

⁹ Donsocɛ fariman tun lo Masaba ɲakɔrɔ. O le y'a to u tun be to k'a fɔ ko: «Karimasina ye donsocɛ fariman ye Masaba ɲakɔrɔ i n'a fɔ Nɛmurɔdi.»

¹⁰ A ka mara kɔnɔ, masaduguw tun ye Babɛli ye, ni Erɛki ni Akadi ani Kaline, Sineyari jamana na.

¹¹ A bɔra o jamana na ka taga Asiri jamana na ka dugu dɔw sigi o yɔrɔ la: o ye Ninivu, ni Erewobɔtiri, ni Kala,

¹² min ye duguba ye, ani Ɛrɛsɛn, min be Ninivu ni Kala cɛ.

¹³ Misirayimu tun ye siya minw bɛma ye, olu ye: ludiw, ni ɛnamuw, ani leyabiw, ni nafituwaw,

¹⁴ ani patɔrɔsiw, ni kasiluwaw, ani kafitɔriw. Filisiw le ye kasiluwaw deenw ye.

¹⁵ Kanaan tun ye Sidɔn facɛ ye, min ye a dencɛ fɔlɔ ye. A ye Ɛti fana wolo,

¹⁶ ani zebuziw, ni amoriw, ani girigasiw,

¹⁷ ni iviw, ani arakiw, ni siniw,

¹⁸ ani arabadiw, ni semariw, ani amatiw. Kanaan fadenyabolow nana jɛnsɛn.

¹⁹ U ka jamana daan tun be daminɛ Sidɔn yɔrɔ la ka taga Gerari faan fɛ fɔɔ ka ta'a bila Gaza, ani ka taga Sodɔmu ni Gɔmɔri ani Adima ni Seboyimu faan fɛ fɔɔ ka ta'a bila Lɛsa.

²⁰ Olu le ye Kamu kɔmɔgɔw ye ka kɛɲɛ n'u ka fadenyabolow n'u ka kaan fɔtaw ye u ka maraw n'u ka jamanaw kɔnɔ.

²¹ Zafɛti kɔrɔcɛ Sɛmu fana ye dencɛw sɔrɔ. Sɛmu tun ye Ebɛri n'a kɔmɔgɔw bɛɛ bɛma ye.

²² Sɛmu dencɛw filɛ nin ye: Elamu ni Asiri ani Aripakisadi ni Ludi ani Aramu.

²³ Aramu fana dencɛw ye: Usi ni Uli ani Gɛtɛri ni Masi ye.

²⁴ Aripakisadi ye Sela wolo. Sela fana ye Ebɛri wolo.

²⁵ Ebɛri ye dencɛ fila sɔrɔ. Kelen tɔgɔ ko Pelɛgi, o kɔrɔ ko tilanni, bari dugukolo tilanna ale ka tile la. A balimacɛ tɔgɔ ko Yokitan.

²⁶ Yokitan ye Alimodadi wolo, ni Sɛlɛfu ani Asarimawɛti ni Yɛra,

²⁷ ani Adoramu ni Uzali ani Dikila,

²⁸ ni Obali ani Abimayɛli ni Saba,

²⁹ ani Ofiri ni Awila, ani Yobabu. Olu bɛɛ tun ye Yokitan dencɛw ye.

³⁰ U tun siginin be k'a ta Mesa fɔɔ ka taga se Sefari faan fɛ, kɔrɔn fɛ kuluw yɔrɔ la.

³¹ Olu le ye Sɛmu kɔmɔgɔw ye ka kɛɲɛ n'u ka fadenyabolow n'u ka kaan fɔtaw ye, u ka maraw n'u ka jamanaw kɔnɔ.

³² Olu le ye Nuhun dencɛw ye, bɛɛ n'a ka fadenyabolo, n'a ka siya. Siyaw bɔra olu la ka jɛnsɛn dugukolo kan, jiba tɛmɛnin kɔ.