Lok fɔlɔ 3 - ALA KA KUMA

Dawuda kɔmɔgɔw

¹ Dawuda ye deen minw sɔrɔ k'a to Eburɔn, olu filɛ: Amɔn le y'a deen fɔlɔ ye, ale y'a ka muso Ayinowamu deen ye ka bɔ Zizireyɛli. A deen filanan ye Daniyɛli ye, ale bamuso ye Abigayɛli ye ka bɔ Karimɛli.

² A deen sabanan ye Abisalɔn ye, ale ye Gɛsuri masacɛ deen Talimayi denmuso Maaka deen ye. Naaninan ye Agiti deen Adoniya ye.

³ Duurunan ye Abitali deen Sefatiya ye. Wɔɔrɔnan ye a ka muso Ɛgila deen Yitireyamu ye.

⁴ A y'o deen wɔɔrɔ nunu sɔrɔ k'a to Eburɔn. A ye saan wolonwula ni kalo wɔɔrɔ kɛ masaya la yen, ka na saan bi saba ni saba kɛ Zeruzalɛmu.

⁵ A ye deen minw sɔrɔ Zeruzalɛmu, olu filɛ: Simeya ni Sobabu, ani Natan ni Solomani. Olu mɔgɔ naani bɛɛ ye Amiyɛli denmuso Batiseba deenw ye.

⁶ A deen tɔw ye Yibari ye, ani Elisuwa ni Elifɛlɛti,

⁷ ani Noga ni Nɛfɛgi, ani Yafiya,

⁸ ni Elisama, ani Eliyada ni Elifɛlɛti, olu ye deen kɔnɔntɔn ye.

⁹ U bɛɛ tun ye Dawuda deenw ye, a ka gɛrɛfɛmusow deenw niin t'u la. U balimamuso tun ye Tamari ye.

¹⁰ Solomani deen ye Orobowamu ye. Ale ta ye Abiya ye, Abiya ta ye Aza ye, Aza ta ye Zozafati ye.

¹¹ Zozafati ta ye Zoramu ye, Zoramu ta ye Akaziyasi ye, Akaziyasi ta ye Zowasi ye.

¹² Zowasi ta ye Amaziyasi ye, Amaziyasi ta ye Azariya ye, Azariya ta ye Yotamu ye.

¹³ Yotamu ta ye Akazi ye, Akazi ta ye Ezekiyasi ye, Ezekiyasi ta ye Manase ye.

¹⁴ Manase ta ye Amɔn ye, Amɔn ta ye Zoziyasi ye.

¹⁵ Zoziyasi deenw filɛ: Yowanan le ye a deen fɔlɔ ye, filanan ye Yoyakimu ye, sabanan ye Sedesiyasi ye, naaninan ye Salumu ye.

¹⁶ Yoyakimu deenw ye Yekoniya ni Sedesiyasi ye.

¹⁷ Yekoniya min tun minɛna ka taga Babilɔni, ale deenw filɛ: Salitiyɛli,

¹⁸ ni Malikiramu ni Pedaya, ani Sɛnasari ni Yekamiya, ni Osama ani Nedabiya ye.

¹⁹ Pedaya deenw ye Zorobabɛli ni Simeyi ye. Zorobabɛli deenw fana ye Mesulamu ye, ni Ananiya, ani u balimamuso Selomiti ye.

²⁰ A ye dencɛ duuru wɛrɛ sɔrɔ, Asuba ani Oyɛli ni Berekiya, ani Azadiya, ni Yusabɛzɛdi.

²¹ Ananiya kɔmɔgɔw ye Pelatiya ni Yesaya ye. Erefaya deenw fana be yen, ni Arinan taw, ani Obadiya taw, ni Sekaniya taw.

²² Sekaniya deen ye Semaya ye. Semaya deenw fana ye Atusi ye, ni Yigeyali, ani Bariya ni Neyariya ani Safati. Olu tun ye mɔgɔ wɔɔrɔ ye.

²³ Neyariya deenw ye Eliyoyenayi ye, ni Izikiya ni Azirikamu ye. Olu tun ye mɔgɔ saba ye.

²⁴ Eliyoyenayi deenw tun ye Odawiyawu ni Eliyasibu, ani Pelaya ni Akubu, ani Yowanan ni Delaya, ani Anani ye. Olu tun ye mɔgɔ wolonwula ye.