Lok fɔlɔ 25 - ALA KA KUMA

Dɔnkililabagaw ka jɛnkuluw

¹ Masacɛ Dawuda n'a ka ɲamɔgɔw ye Azafu kɔmɔgɔw ni Eman taw ani Yedutun taw woloma. Olu le tun be kiraya kɛ ka to ka gɔni ni kolonjo fɔ, ani ka nigɛw gosi. Mɔgɔ minw tun be o baara kɛ, olu filɛ.

² Azafu deenw tun ye Zakuri ni Yusufu, ani Netaniya ni Azarela ye. Ale Azafu yɛrɛ le tun be u kunna, n'a be to ka kiraya kɛ ka kɛɲɛ ni masacɛ ka latigɛcogo ye.

³ Yedutun deenw ye: Gedaliyawu ni Seri, ani Yesayawu ni Asaniyawu, ani Matitiyawu ni Simeyi ye. Olu tun ye mɔgɔ wɔɔrɔ ye. U facɛ Yedutun le tun be u kunna n'a be to ka kiraya kɛ, ka to ka gɔni fɔ ka Masaba tanu k'a boɲa.

⁴ Eman deenw tun ye Bukiyawu ye, ni Mataniyawu, ani Uziyɛli ni Sebuyɛli, ani Yerimɔti ni Ananiya, ani Anani, ni Eliyata, ani Gidaliti, ni Oromantezɛri, ani Yɔsibekasa ni Malɔti, ani Otiri, ni Maaziyɔti ye.

⁵ Olu bɛɛ tun ye Eman deenw ye, ale min tun be to ka Ala ka kuma fɔ masacɛ ye, janko a ka see sɔrɔ. Ala tun ye dencɛ tan ni naani ni denmuso saba di Eman ma.

⁶ Ale lo tun b'a deen nunu kunna, n'u be to ka dɔnkili la ka kolonjo ni gɔniw fɔ, ani ka nigɛw gosi Masaba ka soo kɔnɔ, ka kɛɲɛ ni masacɛ ka latigɛcogo ye, ani Azafu ni Yedutun ni Eman ta ye.

⁷ Dɔnkililabaga nunu n'u balima minw tun labɛnna n'u be se dɔnkili la Masaba ye kosɔbɛ, u bɛɛ lajɛnnin tun ye mɔgɔ kɛmɛ fila ni bi seegi ani seegi ye.

⁸ U ye kala la ka sɔrɔ k'u ka baarako latigɛ, kɔrɔw ni dɔgɔw ta, ani kalanfa ni kalandenw ta.

⁹ Kala lako fɔlɔ benna Azafu deen Yusufu kan. Filanan ka kɛ Gedaliyawu ye, ale n'a deenw n'a balimaw, mɔgɔ tan ni fila.

¹⁰ Sabanan ka kɛ Zakuri ye, ale n'a deenw n'a balimaw, mɔgɔ tan ni fila.

¹¹ Naaninan ka kɛ Yiseri ye, ale n'a deenw n'a balimaw, mɔgɔ tan ni fila.

¹² Duurunan ka kɛ Netaniyawu ye, ale n'a deenw n'a balimaw, mɔgɔ tan ni fila.

¹³ Wɔɔrɔnan ka kɛ Bukiyawu ye, ale n'a deenw n'a balimaw, mɔgɔ tan ni fila.

¹⁴ Wolonwulanan ka kɛ Yezarela ye, ale n'a deenw n'a balimaw, mɔgɔ tan ni fila.

¹⁵ Seeginan ka kɛ Yesayawu ye, ale n'a ka deenw n'a balimaw, mɔgɔ tan ni fila.

¹⁶ Kɔnɔntɔnnan ka kɛ Mataniyawu ye, ale n'a deenw n'a balimaw, mɔgɔ tan ni fila.

¹⁷ Tannan benna Simeyi kan, ale n'a deenw n'a balimaw, mɔgɔ tan ni fila.

¹⁸ Tan ni kelennan benna Azarɛli kan, ale n'a deenw n'a balimaw, mɔgɔ tan ni fila.

¹⁹ Tan ni filanan benna Asabiya kan, ale n'a deenw n'a balimaw, mɔgɔ tan ni fila.

²⁰ Tan ni sabanan benna Subayɛli kan, ale n'a deenw n'a balimaw, mɔgɔ tan ni fila.

²¹ Tan ni naaninan benna Matitiyawu kan, ale n'a deenw n'a balimaw, mɔgɔ tan ni fila.

²² Tan ni duurunan kɛra Yeremɔti ye, ale n'a deenw n'a balimaw, mɔgɔ tan ni fila.

²³ Tan ni wɔɔrɔnan kɛra Ananiyawu ye, ale n'a deenw n'a balimaw, mɔgɔ tan ni fila.

²⁴ Tan ni wolonwulanan benna Yɔsibekasa kan, ale n'a deenw n'a balimaw, mɔgɔ tan ni fila.

²⁵ Tan ni seeginan benna Anani kan, ale n'a deenw n'a balimaw, mɔgɔ tan ni fila.

²⁶ Tan ni kɔnɔntɔnnan benna Malɔti kan, ale n'a deenw n'a balimaw, mɔgɔ tan ni fila.

²⁷ Mugannan benna Eliyata kan, ale n'a deenw n'a balimaw, mɔgɔ tan ni fila.

²⁸ Mugan ni kelennan benna Otiri kan, ale n'a deenw n'a balimaw, mɔgɔ tan ni fila.

²⁹ Mugan ni filanan benna Gidaliti kan, ale n'a deenw n'a balimaw, mɔgɔ tan ni fila.

³⁰ Mugan ni sabanan benna Maaziyɔti kan, ale n'a deenw n'a balimaw, mɔgɔ tan ni fila.

³¹ Mugan ni naaninan benna Oromantezɛri kan, ale n'a deenw n'a balimaw, mɔgɔ tan ni fila.