Lok fɔlɔ 2 - ALA KA KUMA

Yakuba dencɛ Zuda kɔmɔgɔw

¹ Isirayɛli min ye Yakuba ye, ale deenw tɔgɔ filɛ: Urubɛn ni Simeyɔn, ani Levi ni Zuda, ani Isakari ni Zabulɔn,

² ani Dan ni Yusufu, ani Bɛnzamɛn ni Nɛfutali, ani Gadi ni Asɛri.

³ Zuda deenw fana filɛ: Ɛri ni Onan ani Sela, u saba bɛɛ ye Suwa denmuso deenw ye. Kanaan tun lo. Ɛri min tun ye Zuda deen fɔlɔ ye, ale ye kojugu kɛ Masaba ɲakɔrɔ, o la, a y'a faga.

⁴ Zuda dencɛ muso Tamari ye dencɛ fila le sɔrɔ a ye. O ye Pɛrɛti ni Zera ye. Zuda deenw bɛɛ tun ye mɔgɔ duuru ye.

⁵ Pɛrɛti fana deenw le ye Ɛsirɔn ni Amuli ye.

⁶ Zera fana deenw ye Zimuri ye, ni Etan, ani Eman, ni Kalikɔli, ani Dara. U bɛɛ lajɛnnin tun ye mɔgɔ duuru ye.

⁷ Karimi deen ye Akari ye. Kojugu tun sera Isirayɛlidenw ma ale lo sababu la, bari fɛɛn min tun ye Ala ta ye, a y'o ta.

⁸ Etan deen ye Azariya ye.

⁹ Ɛsirɔn deenw ye Yerameyɛli ye, ni Aramu ani Kelubayi ye.

¹⁰ Aramu le ye Aminadabu wolo, Aminadabu fana ye Nasɔn wolo. Ale lo tun ye Zuda kɔmɔgɔw kuntigi ye.

¹¹ Nasɔn ye Salima wolo, Salima ye Boozi wolo.

¹² Boozi ye Obɛdi wolo, Obɛdi ye Zese wolo.

¹³ Zese ye Eliyabu wolo. Ale lo kɛr'a deen fɔlɔ ye, filanan ye Abinadabu ye, sabanan ye Simeya ye.

¹⁴ Netanɛli le ye naaninan ye, duurunan ye Aradayi ye.

¹⁵ Osɛmu le ye wɔɔrɔnan ye, Dawuda ye wolonwulanan ye.

¹⁶ Musomanw ye Seruya ni Abigayɛli ye. Seruya deenw tun ye mɔgɔ saba ye, Abisayi ani Zowabu, ni Azayɛli.

¹⁷ Abigayɛli le ye Amaza wolo, a facɛ tɔgɔ tun ko Yetɛri. Isimayɛli kɔmɔgɔ tun lo.

¹⁸ Ɛsirɔn dencɛ Kalɛbu ye deenw sɔrɔ a muso Azuba ani Yeriyɔti fɛ. A deen nunu tɔgɔ filɛ: Yesɛri ni Sobabu, ni Aridɔn.

¹⁹ Azuba sara, Kalɛbu ye Efarati ta, ale ye Huri wolo.

²⁰ Huri fana ye Uri wolo, Uri fana ye Besalɛli wolo.

²¹ O kɔ, Ɛsirɔn ye Galaadi facɛ Makiri denmuso furu. O y'a sɔrɔ a tun ye saan bi wɔɔrɔ sɔrɔ ka ban. Muso nin ye Segubi wolo a ye.

²² Segubi fana ye Yayiri wolo, Yayiri ye dugu mugan ni saba sɔrɔ Galaadi mara la.

²³ Nga Gɛsuri ni Aramu masacɛw ye Yayiri ka dugudenninw minɛ, ani Kenati n'a dafɛdugudenninw. O bɛɛ lajɛnnin tun ye dugu bi wɔɔrɔ ye. Olu bɛɛ tun ye Galaadi facɛ Makiri deenw ta ye.

²⁴ Ɛsirɔn sara, a dencɛ Kalɛbu y'a ka muso Efarata ta, a ye deen sɔrɔ a fɛ. O tɔgɔ ko Asewuri, o le kɛra Tekowa sigibaga ye.

²⁵ Ɛsirɔn dencɛ fɔlɔ Yerameyɛli deenw filɛ: a fɔlɔ ye Aramu ye, Buna tugura, o kɔ Orɛn, o kɔ Osɛmu, o kɔ Aya.

²⁶ Yerameyɛli ye muso wɛrɛ furu, ale tɔgɔ ko Atara. O muso nin le ye Onamu wolo.

²⁷ Yerameyɛli deen fɔlɔ Aramu deenw filɛ: Maasi ni Yamini ani Ekɛri.

²⁸ Onamu deenw ye Samayi ni Yada ye. Samayi deenw ye Nadabu ni Abisuri ye.

²⁹ Abisuri ka muso tɔgɔ tun ko Abiyayili. A ye Aban ni Molidi sɔrɔ a fɛ.

³⁰ Nadabu deenw ye Sɛlɛdi ni Apayimu ye. Sɛlɛdi sara, ale ma deen sɔrɔ.

³¹ Apayimu deen ye Yiseyi ye. Yiseyi deen ye Sesan ye. Sesan deen ye Alayi ye.

³² Samayi dɔgɔcɛ Yada deenw ye Yetɛri ani Yonatan ye. Yetɛri sara, a ma deen sɔrɔ.

³³ Yonatan deenw ye Pɛlɛti ni Zaza ye. Olu le ye Yerameyɛli kɔmɔgɔw ye.

³⁴ Sesan tun ma dencɛ sɔrɔ, a ye denmusow le sɔrɔ. A tun ye jɔncɛ dɔ sɔrɔ ka bɔ Ezipiti jamana na, a tɔgɔ tun ko Yara.

³⁵ A y'a denmuso kelen di jɔncɛ nin ma k'a kɛ a muso ye, u ye deen sɔrɔ, o tɔgɔ ko Atayi.

³⁶ Atayi ye Natan wolo, Natan fana ye Zabadi wolo.

³⁷ Zabadi ye Ɛfilali wolo. Ɛfilali ye Obɛdi wolo.

³⁸ Obɛdi ye Yewu wolo. Yewu ye Azariya wolo.

³⁹ Azariya ye Ɛlɛsi wolo. Ɛlɛsi ye Eleyaza wolo.

⁴⁰ Eleyaza fana ye Sisimayi wolo. Sisimayi ye Salumu wolo.

⁴¹ Salumu ye Yekamiya wolo. Yekamiya ye Elisama wolo.

⁴² Yerameyɛli balimacɛ Kalɛbu deenw filɛ: A deen fɔlɔ ye Mesa ye, ale ye Zifu facɛ ye. A deen filanan ye Maresa ye, ale ye Eburɔn facɛ ye.

⁴³ Eburɔn deenw ye Kora ye, ni Tapuwa, ni Ɛrekɛmu, ani Sɛma ye.

⁴⁴ Sɛma deen ye Araamu ye, Araamu le ye Yɔrikeyamu facɛ ye. Ɛrɛkɛmu le ye Samayi facɛ ye.

⁴⁵ Samayi deen ye Mayɔn ye, ale ye Bɛtisuri facɛ ye.

⁴⁶ Kalɛbu ka gɛrɛfɛmuso Ɛfa ye Aran ni Mosa ani Gazɛzi wolo. Aran ye Gazɛzi facɛ ye.

⁴⁷ Yadayi deenw ye Ɛrɛgɛmu ye, ni Yotamu, ani Gesan ni Pɛlɛti, ani Ɛfa ni Saafi ye.

⁴⁸ Kalɛbu ka gɛrɛfɛmuso Maaka ye Sɛbɛri ni Tirana wolo.

⁴⁹ O kɔ, a fana ye Saafi wolo, ale lo ye Madimana facɛ ye. O muso nin fana le ye Makibena ni Gibeya facɛ Sewa wolo. Kalɛbu denmuso tɔgɔ tun ko Akisa.

⁵⁰ Olu le ye Kalɛbu kɔmɔgɔw ye. Efarata deen fɔlɔ Huri deenw ye nunu ye: Sobali, min ye Kiriyatayimu sigi,

⁵¹ ni Bɛtilehɛmu sigibaga Salima, ani Bɛtigaderi sigibaga Arɛfu.

⁵² Kiriyatayimu sigibaga Sobali ye kɔmɔgɔw sɔrɔ, minw ye Aroyɛkaw ye, ni Manaatikaw tilancɛ ye,

⁵³ ani fadenyabolo minw be bɔ Kiriyatayimu, o ye Yetɛri kɔmɔgɔw ye, ni Puti taw, ni Sumati taw, ani Misirayi taw. Sorakaw ni Ɛsitawɔlikaw bɔra olu le la.

⁵⁴ Salima kɔmɔgɔw ye Bɛtilehɛmukaw ye, ni Netofakaw, ani Atirɔti Bɛtiyowabukaw, ani Manaatikaw tilancɛ, ni Sorakaw,

⁵⁵ ani sɛbɛnnikɛlaw ka fadenyabolo minw be Yayebɛsi: n'u ye tiratiw, ni simatiw, ani sukatiw ye. Olu le ye keniw ye minw bɔra Amati la n'o ye Erekabu ka somɔgɔw bɛma ye.