Jaceuq 93 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Ya’we Miqyaer Uvlanrluf Mae

¹ Ya’we Miqyaer uvlanrluf mae. Aqyawf-aq, yawbya jaqlaq dmluf-eu mae. Ya’we Miqyaer-aq, aqyawf-euq ghaq maeqtsoeq lof-aer dmdav-awr, Jofpaf paftaq-euq mae. Yawduq bawni, mqmir-aq, lavzif taq-euq mirnae maq lavluv nya-a.

² Nawq-euq nuirmanq-aq, arhuba nae lavzif taq-euq mae. Nawr-aq, ardanq bae-eu maqbawni daefluf-eu mae.

³ Ya’we Miqyaer-or! Irjeuq tanqdav laf-eu mae. Irjeuq-euq tersar manrdov-eu mae. Irjeuq, irluv dzaegor laf-eu mae.

⁴ Yawgor-anr jawr-eu Ya’we Miqyaer-aq, ghaq khavdzaeq-eu mae. Ircuf ghawqmya ni-euq tersar navmaqtser ghaq khavdzaeq-eu mae. Iqmalavshav-euq ghaq khav-eu irluv dzae-eu navmaqtser khavdzaeq-eu mae.

⁵ Nawq-euq dawqdzawr-aq, aqdir yawduq baw-awr; Ya’we Miqyaer-or! Nawq-euq nymr-anr yawshawr jeq nae, Mqmaq maqbyav yarzir lavmuiq taq-euq mae.