Jaceuq 87 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Ziroq-euq Yawshaef Khanqsaer

Korlav-euq zaqyo deuq-euq dawqcar cardawq

¹ Aqyawf-euq dawqpaeq duqpur-aq, Shawr-eu gawqjawq-euq lafkhoer jav-eu mae.

² Yaqkov-euq jawrduq dawqtawvluf navmaqtser, Ya’we Miqyaer, Ziroq-euq ghovkhaeq-anr gaq-eu mae.

³ Miqyaer-euq meuq-or, Nawq-euq khanqsaer huiq-eu ghawqmya jeq-anr aqcawq ja-eu mae. Sela.

⁴ “Ngaq-anr siqnya-eu deuq-anr, Laqhar hawr-eu Baqburloq-euq garkawv ngaeqkeuv naeq-awr; Hawde-eq, Eqtiqorpir, Durlu hawr-eu Pirlirtiv-or, ‘Heughaq-aq, khoergar daefle-euq mae’ laer aer taef-a.”

⁵ Ziroq meuq-anr tafler-awr heulof-aer aer taef-a. “Heughaq khawf, khoerghaq khawf, Ziroq-euq lafkhoer daefle-euq mae.” Gor duidui-eu ghaq, aqyawfghaq meuq heumeuq-anr lavzif taef-a.

⁶ Ya’we Miqyaer, tsawrhaqzaq-euq tsawrmyanr dawv ngae, “Heughaq-aq, khoergar daefle-euq mae” laer boftaq taef-a. Sela.

⁷ Car-eu deuq hawr-eu garnyae nyae-eu deuq khawf aer-eu, “Ngaq-euq cuq dawqtawvluf, nawq-euq lafkhoer jav-eu ma.”