Jaceuq 70 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Yawkawr-aer Cawba Naeqlaf-awq

Car-eu paw sheuqghae-eu aqyuif ghaq-anr bofnaeq-euq, noeqmawr-awr noeqkeuv-eu gharduq, Daqbir-euq cardawq

¹ Miqyaer-or! Ngaq-anr yawkawr-aer bibuq-ir naeqlaf-awq. Ya’we Miqyaer-or! Ngaq-anr yawkawr-aer cawba naeqlaf-awq.

² Ngaq-euq daefzir-anr pov-eu deuq, Myavpyawq narmaer bicawv-awr shafdawr-ir luf-ur. Ngaq-anr lavnar mawf-eu deuq, Narkhan paw yawbanq yawlanr-aer bi taekhofghae luf-ur.

³ Ngaq-anr “Haeq lawr, haeq lawr” laer aer-eu deuq, Aqyawfmaf shafdawr-ir-euq baqda’nae narkhan paw ciqpyawrkhof ghaeluf-ur.

⁴ Aerkhawf, nawq-anr pov-eu tsawrhaq dawqtawvluf, Nawq-euq lafkhoer laqkhaq caer-awr lurgha caergha luf-ur. Nawq-euq kakhof-eu jeq-anr gaq-eu deuq, Aqmyanluf heulof-aer aer luf-ur, “Miqyaer-anr ciqhuiq ciqmanr ma.”

⁵ Ngar irshaq shaq-awr shaqzaq zanqzaq pyeuf-eu khawf, Miqyaer-or! Ngar jawr-eu gar yawkawr-aer oe-awq. Ya’we Miqyaer-or! Taq nyinaq naeqlaf, Nawr-aq, ngaq-anr cawba-eu ghaq hawr-eu ngaq-anr bibuq-ir-eu ghaq mae.