Jaceuq 67 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Miqyaer-euq Myavpyawq-euq Yawshaef

Car-eu paw sheuqghae-eu aqyuif ghaq-anr bofnaeq-euq, arcav tsof-eu keuka zmq-eu dawqcar cardawq

¹ Miqyaer, aqdui-anr ghawqshaq gaq-awr, guiqlanq bifnaeqlaf luf-ur. Aqyawf-euq myavpyawq aqdui-euq khoertav yawshaef bya’naeqlaf luf-ur. Sela.

² Khoer-euq baqda’nae, mirtsaq tanqkhawr doeni, nawq-euq garma siqnya-awr; Tsawrjeuq tsawrca dawqtawv luf-euq ghanrcae, nawr kakhof-eu jeq siqnya luf-ur.

³ Miqyaer-or! Tsawrhaqzaq, nawq-anr bi jaceuq-awq. Tsawrhaqzaq dawqtawvluf nawq-anr bi jaceuq-awq.

⁴ Nawr, mirtsaq-euq khoertav jawr-eu tsawrjeuq tsawrca-anr uvlanr-awr, Tsaq-awr dawr-eu lafkhoer tsawrhaqzaq-anr yarkhaq dar-eu mirnae, Tsawrjeuq tsawrca deuq laqkhaq caer-eu cardawq car-awr lurgha caergha luf-ur. Sela.

⁵ Miqyaer-or! Tsawrhaqzaq, nawq-anr bi jaceuq-awq. Tsawrhaqzaq dawqtawvluf nawq-anr bi jaceuq-awq.

⁶ Khoernar-aq, mirtsaq tanqkhawr dzaqla ghovcaer bi keuvle-eu mae. Aqdui-euq Miqyaer pyeuf-eu Miqyaer, aqdui-anr guiqlanq bifnaeqlaf taef-a.

⁷ Miqyaer, aqdui-anr guiqlanq bifnaeqlaf taef-a. Mqdzer mirdzer-anr keuvni jawr-eu tsawrhaq dawqtawvluf, aqyawf-anr guv taef-a.