Jaceuq 43 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Miqyaer-or! Ngaq-anr Japir Naeqlaf

¹ Miqyaer-or! Ngaq-anr japir naeqlaf-awr, Miqyaer-anr yawzeu maqbaw-eu tsawrjeuq tsawrca naeq-aer, Ngaq-euq garkawv yarkhaq jadan naeqlaf-awq. Jaqmyawf maershuir hawr-eu maqdawr maqtsaq-eu tsawrhaq-anr nae, Ngaq-anr bibuq-ir laf-awq.

² Aqjeq mirnae aernar-aq, nawr-aq, ngaq-anr ghaq bif-eu Miqyaer mae. Aqjeq ghae-eu, nawr, ngaq-anr taedzae naeqlaf-eu le? Ngar, aqjeq ghae-eu muir-eu deuq nyaefsuf lar-eu baqda’nae tsawrngoer ya’ngoer-eu la?

³ Nawq-euq yawshaef hawr-eu yawtsaq yawdawr pyaeqghae lef-awr, Ngaq-anr bisheuq-awr nae, nawq-euq saqpar saeqghawv jav-eu, Nawq-euq yawshawr gawqjawq-anr bi sheuqkeuv naeqlaf-awq.

⁴ Khoernar-aq, huiq duidui-eu ngaq-euq laqkhaq caerduq pyeuf-eu Miqyaer jawr-eu, Miqyaer-euq lawrduq-anr ngar le ma. Ngaq-euq Miqyaer pyeuf-eu Miqyaer-or, Ngar, deur-mq diq-awr nawq-anr jaceuq ma.

⁵ Ngaq-euq nuima saflar-or! Aqjeq ghae-eu mrnyoeq saef-eu le? Aqjeq mirnae, nawr, ngaq-euq lafkhoer maqsar marsar-aer ghaesaef-eu le? Miqyaer-anr noeqtmq-awq. Aqjeq mirnae aernar-aq, Ngaq-euq Miqyaer, ngaq naeq-aer jawr-awr cawba naeqlaf-eu mirnae, Ngar, aqyawf-anr jaceuq le siq.