Jaceuq 3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Uqshawq Paw-euq Guiqlanq Shardawq

Daqbir-euq cardawq, aqyawf-euq zaqyo Aqsaqloq nae bitae-awr caev ngae car-euq cardawq

¹ Ya’we Miqyaer-or! Ngaq-anr muir-eu laer turlar taq-euq tsawrhaq myaq duidui nga. Ngaq-anr lavbanq mawf-eu tsawrhaq armyavni myaqlar taq-euq nga!

² Ghawqmya ghaq, ngaq-euq garkawv aer-eu, “Miqyaer, aqyawf-anr maq cawba naeq-ar.” Sela.

³ Aerkhawf, Ya’we Miqyaer-or! Nawr-aq, ngaq-euq tiqjawq daeqdaqduq pyeuf-awr, Ngaq-euq khanqsaer pyeuf-eu uqtaf, Ngaq-euq uqduq bafdir naeqlaf-eu ghaq pyeuf-eu mae.

⁴ Ngaq-euq tersar nae ngar, Ya’we Miqyaer-anr gur ngae, Aqyawf, aqyawf-euq shawr-eu gawqdur-anr nae, ngaq-anr narhaq naeqlaf-euq mae. Sela.

⁵ Ngar gayuf ghae-awr yufkhav-euq ma. Ya’we Miqyaer hawsav naeqlaf-euq mirnae, par noeqlar nya-euq ma.

⁶ Ngaq-anr muir-eu tsawrhaq, ngaq-euq tiqjawq armyaer ghaq gajawqle taq-euq mae. Aerkhawf, ngar maqguv.

⁷ Ya’we Miqyaer-or! Turlar-awq. Ngaq-euq Miqyaer-or! Bibuq-ir naeqlaf-awq. Ngaq-anr kharmuir-eu deuq-euq maeqof taevceuf naeq-awr, Yawcawv deuq-euq seuq diqjuvjir naeq-awq.

⁸ Kakhof-eu jeq-aq, Ya’we Miqyaer jawr-eu gar nae dovle-eu mae. Nawq-euq guiqlanq, nawq-euq tsawrhaq-euq khoertav bi keuvle naeqlaf-awq. Sela.