Jaceuq 23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Bosav-eu Ya’we Miqyaer

Daqbir-euq cardawq

¹ Ya’we Miqyaer, ngaq-anr yawr bo-eu lof-aer, bosav luf-eu mae; Ngar tiqjeq-iq maqnym.

² Aqyawf, ngaq-anr yarmof nyoerjawfni daef-eu daega-anr bi gayuf naeqlaf-awr; Aqyawf, ngaq-anr ciqcurni ghae-eu ircuf-euq dawqpae, sheuqghae naeqlaf-eu mae.

³ Aqyawf, ngaq-euq nuima saflar lavshuif naeqlaf-awr; Aqyawf-euq tsawrmyanr-euq gharduq, Aqyawf, ngaq-anr tsaq-awr dawr-eu garma-anr sheuqghae naeqlaf-eu mae.

⁴ Ngar, shir-eu narshmr-euq ghaqlawq-anr ya cantsaev ghae-eu khawf; Nawr, ngaq naeq-aer jawr-eu mirnae, ngar yawdoer jeq keuvle-eu gar maqguv; Nawq-euq ganqkawq hawr-eu nawq-euq gawqyoeq, Ngaq-euq nuima lavsar naeqlaf-eu mae.

⁵ Nawq nae ngaq-anr muir-eu deuq-euq maeqshi, Ngaq-euq gharduq hawqje shardanr naeqlaf-eu mae; Nawr, ngaq-euq uqduq-anr tsir shaevdav naeqlaf-awr, Ngaq-euq khmqmaq byankhar luf-eu mae.

⁶ Yawduq bawni, yawmuiq jeq hawr-eu ghawqshaq gaq-eu jeq, Ngaq-euq maeqnan, maqshir tiqzir yawqnan navluf cantae taef-a; Ngar, Ya’we Miqyaer-euq nymr-euq lafkhoer, mqmaq maqbyav yarzir jawr ma.