Jaceuq 14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Tsawrhaqzaq Yawmuiq Maqjawr-a

Car-eu paw sheuqghae-eu aqyuif ghaq-anr bofnaeq-euq, Daqbir-euq cardawq

¹ Aqdzawq argan-aq, yawha-euq nuima-euq lafkhoer, “Miqyaer maqjawr-a” laer aer-eu mae. Aqyawfmaf daefcawv-awr, nuidav davlar paq-aer ghae-eu jeq mrluf-eu mae. Yawmuiq jeq mr-eu tsawrhaq tiqghaq-iq maqjawr-a.

² Ya’we Miqyaer, mq-anr nae hawka lef-awr, tsawrhaq-euq zaqdeuq-anr hawluf-eu mae. Tsawrhaqzaq-euq lafkhoer ghovshaw nya-awr, Miqyaer-anr pov-eu tsawrhaq jawr nga laq laer hawluf-eu mae.

³ Aqyawfmaf dawqtawvluf garbanq banq jir-awr, tiqgar durni daefcawvjir taq-euq mirnae, Yawmuiq jeq mr-eu tiqghaq-iq maqjawr-a, tiq ghaq taef-aer khawf maqjawr-a.

⁴ Ya’we Miqyaer-anr maqkur-aer, ngaq-euq tsawrhaq-anr kaqmur dzaq-eu lof-aer dzaqjir-euq, Yawlaeq yawca jeq mr-eu khoerdeuq dawqtawvluf siqnya-eu tsawrganr maqanr-eu la laq?

⁵ Aqyawfmaf guv duidui-eu lafkhoer, khoergar yajawr taef-a. Aqjeq mirnae aernar-aq, Miqyaer, tsaq-awr dawr-eu tsawrtsuif naeq-aer jawr-eu mae.

⁶ Nawr, irshaqzaq-euq maeqbawq daq biga-ir-eu laer ghae-eu khawf, Ya’we Miqyaer-aq, aqyawf maf-euq caevzafduq pyeuf-eu mae.

⁷ Or-oq, Irsaqleqlav-anr kakhof-eu jeq, Ziroq-anr nae dovle luf-ur! Ya’we Miqyaer, aqcawq nae bi nyaefbyov ghae-euq, aqyawf-euq tsawrhaq-anr sheuqkhoflaf ngae, Yaqkov laqkhaq bicaer-awr, Irsaqleqlav bi lurgha-awq.