Jaceuq 137 - Yawshawr Yaerbof Dawqma Sarjax Yawshuif Jaceuq-eu Hawr-eu DawqdaqZiroq-anr Noeqmawr-eu Cardawq 1 Nga’maf, Baqburloq lawrgawv gawvdzer nuir-awr, Ziroq-anr noeqmawr-eu mirnae ngoer-euq ma. 2 Nga’maf, khoergar daef-eu miqshuq arbawr-anr, Nga’maf-euq deur-mq gheuceuq-euq ma. 3 Khoerngae, zaqkhav bigeuf-ir-eu laer, Nga’maf-anr nyaefghae luf-eu deuq, Nga’maf-anr cardawq car laer shar-awr, Nga’maf-anr tanrjoe daedzaq-euq deuq, Nga’maf-anr lurgha caergha-awq laer khaer-eu mae. Aqyawfmaf aer-eu, “Nga’maf-anr Ziroq-euq cardawq car naeqlaf-awq!” 4 Nga’maf, boermiq siqkhaq-euq mirtsaq-euq lafkhoer, Ya’we Miqyaer-euq cardawq aqjox-aer carnya-eu? 5 Yeqlursaqlaeq-or! Ngar, nawq-anr ngaertsaev law nar-aq, Ngaq-euq armar laf mrnya-eu jeq maq mrnya’ni bipyeuf-ir luf-ur. 6 Ngar, nawq-anr maq noeqmawr-aer, yawqjeqyawq navmaqtser, Ngar, Yeqlursaqlaeq-anr laqkhaq maq caerdzaeq nar-aq, Ngaq-euq maeqlar khaqmae maeqtav paw myanqler-awr khav-ir luf-ur. 7 Ya’we Miqyaer-or! Yeqlursaqlaeq bi deuvdzaq ngae nan, Eqdoq tsawrhaq deuq nae aer-euq jeq-anr taqngaer naeqlaf. Aqyawfmaf aer-eu, “Meuq teumeuq deuvpyav jir-awq, dawqpaeq duqpur-anr keuvni deuvpyav jir-awq!” 8 Baqburloq-euq zaqmiq-or! Nawr yabi lavcawv taef-a. Nawq nae nga’maf-anr janrnaeq laf-euq lof-aer, nawq-anr par janrkhof naeq-eu tsawrhaq-aq, guiqlanqhuiq taef-a. 9 Nawq-euq zaq yawzaq deuq-anr nyaef-awr, khaqlo-anr juifghae-eu tsawrhaq-aq, guiqlanqhuiq taef-a. |