Jaceuq 136 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Guiqlanq-anr Noeqkeuv-awr Jaceuq-eu

¹ Ya’we Miqyaer-euq guiqlanq-anr jaceuq-awq! Aqjeq mirnae aernar-aq, aqyawf-aq yawmuiq mae! Aqyawf-euq ghawqshaq gaq-eu jeq, mqmaq maqbyav yarzir zif-eu mae.

² Miqyaer deuq-euq khoertav Miqyaer pyeuf-eu ghaq-euq guiqlanq-anr jaceuq-awq! Aqyawf-euq ghawqshaq gaq-eu jeq, mqmaq maqbyav yarzir zif-eu mae.

³ Sanqpaq deuq-euq khoertav Ya’we Miqyaer pyeuf-eu ghaq-euq guiqlanq-anr jaceuq-awq! Aqyawf-euq ghawqshaq gaq-eu jeq, mqmaq maqbyav yarzir zif-eu mae.

⁴ Aqyawf tiq ghaq taef-aer yawkhav-aer zanqler paq-aer ghae-eu jeq mr-eu mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

⁵ Aqyawf-euq zaqsiq tsawrganr nae, mqdeuq-anr bae-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

⁶ Aqyawf nae ircuf-euq khoertav, mirtsaq ciqkhawq taq-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

⁷ Aqyawf nae yawshaef yawhuiq deuq-anr bae-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

⁸ Nanrma-aq, nan’ghanr paw bi uvlanr-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

⁹ Bala hawr-eu aqguir deuq-aq, uqcif paw bi uvlanr-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

¹⁰ Aqyawf, Irjirtuv-euq huqbaw deuq-anr saef-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

¹¹ Khoernar-aq, aqyawf maf-euq ghanrcae nae, Irsaqleqlav-anr sheuqdov laf-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

¹² Aqyawf-euq lafdu cawqja-awr ghaq khav-eu aqlaf nae sheuqdov-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

¹³ Aqyawf nae Irner iqmalavshav nyiqpav-aer birpav-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

¹⁴ Khoernar-aq, Irsaqleqlav tsawrhaq-anr heu-euq ghanrcae nae bitsaev-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

¹⁵ Aerkhawf, Paqlawr hawr-eu aqyawf-euq guirmaf-anr, Irner iqmalavshav-anr daeqpuf naeq-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

¹⁶ Aqyawf, aqyawf-euq tsawrhaq-anr bawrtsanq bawrdanr-anr sheuqtsaev naeq-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

¹⁷ Aqyawf, huiq-eu sanqpaq deuq-anr saef-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

¹⁸ Tsawrmyanr dov-euq sanqpaq-anr khawf saef-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

¹⁹ Aqmorliv-euq sanqpaq Sirhoq-anr saef-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

²⁰ Baqshaq-euq sanqpaq Awrgav-anr khawf saef-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

²¹ Khoernar-aq, aqyawf maf-euq mirtsaq jeqbir lof-aer bif-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

²² Aqyawf-euq kuirlaf zaqkhav Irsaqleqlav-anr jeqbir lof-aer bif-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

²³ Aqdui teq-awr nyir-eu artiv-anr jawr ngae, aqyawf, aqdui-anr noeqkeuv naeqlaf-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

²⁴ Aqdui-anr muir-eu deuq-anr nae, yawkawr-aer gheudov naeqlaf-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

²⁵ Aqyawf, shiqshaq dawqtawv luf-anr dzaqdzaq dawrdawr bif-eu mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

²⁶ Mqtav-euq Miqyaer-euq guiqlanq-anr jaceuq-awq! Aqyawf-euq ghawqshaq gaq-eu jeq, mqmaq maqbyav yarzir zif-eu mae.