Jaceuq 133 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Nuima Gm-eu Guiqlanq

Ledav ngae car-eu Daqbir-euq dawqcar

¹ Hawsher-eq, maernmr deuq nuima gm-awr tiqgar taef-aer jawrtaf-eu, Arnavni muiq-awr arnavni nuikhanr shirlar paq-aer ghae-eu nga!

² Heulof-aer gm-eu-aq, Aqloq-euq uqduq-anr nae maeqmanq-anr yoerka lef-awr, Aqyawf-euq paerkhanq lanrbav-anr yoerlaef-euq, Arpoeq khav-eu tsir-anr dur-eu mae.

³ Heulof-aer gm-eu-aq, Heqlaqmoq gawqjawq-anr ga-eu ceuq, Ziroq gawqjawq-euq khoertav gale-euq gar dur-eu mae. Aqjeq mirnae aernar-aq, Nuima gm-eu gar, Ya’we Miqyaer guiqlanq-euq dzoeqdzaq mr-eu mae. Mqmaq maqbyav yarzir daef-eu guiqlanq bif-eu mae.