Jaceuq 13 - Yawshawr Yaerbof Dawqma Sarjax Yawshuif Jaceuq-eu Hawr-eu DawqdaqAqmyan Keuvni Yadawq-eu La? Car-eu paw sheuqghae-eu aqyuif ghaq-anr bofnaeq-euq, Daqbir-euq cardawq 1 Ya’we Miqyaer-or! Nawr, ngaq-anr aqmyan keuvni ngaer-eu laer ghae-eu le? Li-eu maqbawni ngaer-eu laer ma lor? Ngaq-anr nae nawq-euq myavpyawq aqmyan keuvni ciqzaf taq-eu laer ghae-eu le? 2 Ngar aqmyan keuvni, ngaq-euq nuima saflar-euq lafkhoer maeqbawq ya’mr-awr, Aqmyan keuvni ngaq-euq nuima-euq lafkhoer nan-anr nae ghawqshaq-aer yaghae-eu la? Aqmyan keuvni ngaq-anr muir-eu tsawrhaq, ngaq-euq taf-aer yabi ciqgor taq-eu la? 3 Ngaq-euq Miqyaer pyeuf-eu Ya’we Miqyaer-or! Ngaq-anr narhaq-awr sharnoeq naeqlaf-awq. Ngar yuf ngae, yufkhav byov-awr shir-eu gar maqya keuvni, ngaq-euq myavnuiv bi mawrnya naeqlaf-awq. 4 Maqngeur nar-aq, muir-eu tsawrhaq, “Ngar, aqyawf-anr ghaqler-euq ma” laer aer-awr; Ngar nyinyi-aer ghaelar-euq mirnae, ngaq-anr banqgha-eu deuq laqkhaq caer-eu baw-mr. 5 Aerkhawf, ngar, nawq-euq ghawqshaq gaq-eu jeq-anr ghoeluf ma. Ngaq-euq nuima, nawq-euq kakhof-eu jeq-anr laqkhaq yacaer taef-a. 6 Ngar dawqcar car-awr, Ya’we Miqyaer-anr jaceuq ma. Aqjeq mirnae aernar-aq, aqyawf, ngaq-anr yawmuiq-aer ngaeqghae naeqlaf-eu mae. |