Jaceuq 129 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Ziroq-anr Byae-eu Deuq Yacawv-ir-eu

Ledav ngae car-eu dawqcar

¹ Irsaqleqlav-anr heulof-aer bi’aer-awq, “Ngar, zaqguq ngae nae, aqyawfmaf, ngaq-anr khaeqnaeq khavnaeq laf-euq mae.”

² “Ngar, zaqguq ngae nae, aqyawfmaf, ngaq-anr khaeqnaeq khavnaeq laf-euq mae; Aerkhawf, aqyawfmaf, ngaq-anr maq ghaqlar nya-a.

³ Aqyawfmaf, ngaq-euq narkhan daema tsaeq-eu lof-aer, Tsaeq-euq markhaeq ghawqmanrni javluf-eu mae.”

⁴ Ya’we Miqyaer-aq, tsaq-awr dawr-eu mae; Aqyawf, tsawrcawv-euq arcav deuvtsaevdzae jir naeq-euq mae.

⁵ Ziroq-anr kharbyae-eu tsawrhaq deuq, bi taekhof ghae-awr daq biga-ir luf-ur.

⁶ Aqyawfmaf nymrmq-euq khoertav daef-eu yarmof lof-aer, Maq huiqlar-euq minav-aer nyoeq-ir jir luf-ur.

⁷ Caer yaeq-eu tsawrhaq, aqlaf byanlar paq-aer maqyur-eu uqtaf, Caerdzanq baf-eu tsawrhaq khawf, aqyawf-euq lafdu nae maqbaf-ar.

⁸ Aqyawfmaf jawr-eu gar khar cantsaev-eu tsawrhaq heulof-aer taqaer, “Ya’we Miqyaer-euq guiqlanq, nawmaf-euq khoertav keuvle luf-ur. Nga’maf, Ya’we Miqyaer-euq tsawrmyanr-euq uqmov, Nawq-anr dawq ngaeqghae naeq-eu ma.”