Jaceuq 128 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Miqyaer-anr Guv-eu Guiqlanq

Ledav ngae car-eu dawqcar

¹ Ya’we Miqyaer-anr guv-awr, Aqyawf-euq garma-anr can-eu yawqghaq navluf, Guiqlanq huiq-eu mae.

² Nawr, yawqha-euq aqlaf nae mr-euq lof-aer yadzaq-awr, laqkhaq yacaer-eu uqtaf, Kharngeur-eu jeq nawq-euq gharduq muiq taef-a.

³ Nawq-euq nymr-euq lafkhoer, Nawq-euq miqzaq-aq, arsiq sanr-eu aqgaf bawduv-anr dur-awr; Nawq-euq zaqdeuq-aq, nawq-euq hawqje tiqjawq daef-eu saqloq arbawr kanqzaq-anr dur taef-a.

⁴ Khoermirnae, hawde-eq, Ya’we Miqyaer-anr guv-eu tsawrhaq-aq, Guiqlanq khoerlof-aer za taef-a.

⁵ Ziroq-anr nae Ya’we Miqyaer, nawq-anr guiqlanq bif luf-ur. Nawr yawdaef khardaef-eu tiqzir, Yeqlursaqlaeq-euq yawmuiq jeq ya’mawr luf-ur.

⁶ Nawr, nawq-euq oeqpaq oeqma deuq-anr ya’mawr ngae keuvni, zirbaw luf-ur. Irsaqleqlav-euq khoertav nuisar of luf-ur.