Jaceuq 127 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Miqyaer-euq Guiqlanq-euq Baqda’nae

Ledav ngae car-eu Sorlaqmoq-euq dawqcar

¹ Ya’we Miqyaer maqtsov-eu lawnmr-aq, Nymr tsov-eu tsawrhaq nae mr-euq gar-aq, yawqngaef mae. Ya’we Miqyaer maq lofpir-eu lawnmr-aq, Meuq-anr lofpir-eu tsawrhaq maq yufkhavni lof-eu khawf yawqngaef mae.

² Uqshawq yawnaf-aer tur-awr uqcif mirlanni, Yawdaef daef-eu gharduq mrsaef lef-euq khawf, Tiqjeq-iq gardanr maqtsoeq-a. Aqjeq mirnae aernar-aq, Miqyaer, aqyawf gaq-eu tsawrhaq-anr, Yawmuiq-aer bi yufkhav-eu mae.

³ Hawsher-eq, zaqdeuq-aq, Ya’we Miqyaer nae bif-euq jeqbir pyeuf-awr, Zaq-euq jawrzar-euq arsiq-aq, mrpoeq lafsawq mae.

⁴ Zaqguq ngae nae daefle-euq zaqdeuq-aq, Guirzaq-euq aqlaf-euq lafkhoer anrluf-eu kavmyaq-anr dur-eu mae.

⁵ Kavmyaq-euq banq-anr khoerlof-aer ghae-eu kavmyaq byan-eu tsawrhaq-aq, laqkhaq yacaer taef-a. Aqyawfmaf, lanrkhaeq-anr muir-eu deuq naeq-aer ya jadzaq khawf, Daqga-eu gar maqya keuv-ar.