Jaceuq 125 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Muiq-eu Deuq-anr Muiqnaeq-awq

Ledav ngae car-eu dawqcar

¹ Ya’we Miqyaer-anr ghoe-eu tsawrhaq deuq-aq, Tiqjawr-iq maq nyilar-aer, mqmaq maqbyav yarzir zif-eu Ziroq gawqjawq-anr dur-eu mae.

² Yeqlursaqlaeq meuq-anr gawqjawq jawqlanr taq-euq lof-aer, Nymq-mr nae mqmaq maqbyav yarzir keuvni, Ya’we Miqyaer, aqyawf-euq tsawrhaq deuq-euq tiqjawq jawrjawq taq-euq mae.

³ Tsaq-awr dawr-eu tsawrhaq deuq-euq mirkhanq-anr, Tsawrcawv-euq shmr gawqyoeq maqya naq-ar. Maqngeur nar-aq, tsaq-awr dawr-eu tsawrhaq deuq, Aqyawf maf-euq aqlaf cawqdov-awr yawlaeq yawca jeq mr taef-a.

⁴ Ya’we Miqyaer-or! Muiq-eu deuq-anr hawr-eu nuima dawrcoeni ghae-eu deuq-anr, Yawmuiq jeq mrnaeq-awq.

⁵ Aerkhawf, garma yawngof yawngav-aer can-eu deuq hawr-eu, Yawlaeq yawca jeq mr-eu deuq-anr-aq, Ya’we Miqyaer taedzaenaeq taef-a. Irsaqleqlav-euq khoertav nuisar of luf-ur.