Jaceuq 124 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Aqdui-euq Paw Pyawr-eu Miqyaer

Ledav ngae car-eu Daqbir-euq dawqcar

¹ Irsaqleqlav tsawrhaq-or! Heulof-aer aer-awq, “Ya’we Miqyaer, aqdui jawr-eu paw maqpyawr-euq lawnmr-aq,”

² “Ya’we Miqyaer, aqdui jawr-eu paw maqpyawr-euq lawnmr-aq; Aqdui-anr muir-eu tsawrhaq, turlar-awr caelar ngae,

³ Aqyawfmaf, aqdui-anr miqdzaq dof-eu lof-aer nuima paer ngae, Aqdui-anr yawdaef-aer myeufanr jir-euq ngeur-eu dur;

⁴ Khoerngae, aqdui, ircuf nae bi danqpymq-awr, Aqdui-euq nuima saflar lawrgawv-anr gapuf yaf-euq ngeur-eu dur;

⁵ Khoernar-aq, aqdui-anr myeufanr-euq ircuf, Aqdui-euq nuima saflar-anr danqpymqjir naeqlaf-euq ngeur-eu dur.”

⁶ Aqyawf maf-euq seuq nae, aqdui-anr maqbi kawfsaef dzaq-euq mirnae, Ya’we Miqyaer-anr jaceuq ma.

⁷ Aqdui-euq nuima saflar-aq, Arjir tanr-eu saeqtov-anr nae dzeur-ir-euq arjir tiq mawr-anr dur-eu ma. Saeqtov khaef-ir-euq mirnae, aqdui yadzeur-ir-euq ma.

⁸ Aqdui-anr cawba-eu jeq-aq, Mq hawr-eu mir bae-euq Ya’we Miqyaer tsawrmyanr-euq lafkhoer jav-eu mae.