Jaceuq 123 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Ghawqshaq Gaqnaeqlaf

Ledav ngae car-eu dawqcar

¹ Mq-euq khoertav jawr-eu ghaq-or! Ngaq-euq myavnuiv, nawr jawr-eu paw ciqpyawr laf-awr hawluf-eu ma.

² Hawsher-eq, kuirlaf zaqkhav tiq ghaq-euq myavnuiv, Aqyawf-euq yawsanr-euq aqlaf-anr haw-eu lof-aer, Zaqmiq aqbur zaqkhav tiq ghaq, aqyawf-euq nymrsanr aqma-euq aqlaf-anr haw-eu lof-aer durni; Nga’maf-euq myavnuiv, nga’maf-euq Miqyaer pyeuf-eu Ya’we Miqyaer-anr hawluf-eu ma. Aqyawf, ghawqshaq maq gaqnaeq laf-euq khoerkeuvni haw ma.

³ Ya’we Miqyaer-or! Nga’maf-anr ghawqshaq gaqnaeq laf-awq. Nga’maf-anr ghawqshaq gaqnaeq laf-awq. Aqjeq mirnae aernar-aq, Nga’maf dawqdoer-anr ardzaeq-aer ya daqluf-eu nya.

⁴ Nuima huiq-eu tsawrhaq hawteq hawdoer lar-awr, Sarsuqni daef-eu deuq dawqdoer ngaeq-eu gar, Nga’maf-euq nuima saflar maq daqcoerni, ardzaeq dzeurlar taq-euq nya.