Jaceuq 122 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Yeqlursaqlaeq-euq Gharduq Guiqlanq Shar-awq

Ledav ngae car-eu Daqbir-euq dawqcar

¹ Aqcawq, ngaq-anr heulof-aer aer ngae, ngar laqkhaq caer-euq ma, “Dzawq! Ya’we Miqyaer-euq nymr-anr le kar-eur.”

² Yeqlursaqlaeq-or! Nga’maf-euq aqkuir, nawq-euq lanrkhaeq-euq lafkhoer yawfluf-eu ma.

³ Yeqlursaqlaeq-aq, tiqgar taef-aer tsanrdzeufni tsovtaq-euq meuq tiq meuq lof-aer dur-eu mae.

⁴ Khoergar, tsawrjeuq deuq uiqler-eu mae. Ya’we Miqyaer-euq tsawrjeuq, Irsaqleqlav tsawrhaq-euq Dawqdzawr Bawqkeuv jav-eu gar le-awr, Ya’we Miqyaer-euq tsawrmyanr-euq guiqlanq-anr jaceuq ler-eu mae.

⁵ Aqjeq mirnae aernar-aq, Yarkhaq dar-eu nuirmanq pyeuf-eu Daqbir-euq nymrkhanq-euq nuirmanq khoergar jav-eu mae.

⁶ Yeqlursaqlaeq nuisar ofni guiqlanq shar-awq: “Nawq-anr gaq-eu tsawrhaq deuq muiqlar sanrlar luf-ur.

⁷ Nawq-euq meuqlanr-euq lafkhoer tsaqler dzoerler-eu jeq jav-awr, Sanqpaq-euq nymr-euq lafkhoer bawle zale luf-ur.”

⁸ Ngar, ngaq-euq maernmr deuq hawr-eu cawqdeuq-euq gharduq heulof-aer aer-eu ma, “Nawq-euq lafkhoer nuisar of-eu jeq jav luf-ur.”

⁹ Aqdui-euq Miqyaer pyeuf-eu Ya’we Miqyaer-euq nymr-euq baqda’nae, Ngar, nawq-euq gharduq yawmuiq jeq pov ma.