Jaceuq 121 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Hawpir-eu Ya’we Miqyaer

Ledav ngae car-eu dawqcar

¹ Ngar, ngaq-euq myavnuiv ciqpyawr-awr gawqjawq paw hawdav lef-eu ma; Ngaq-anr cawba-eu jeq aqgeugar nae dovle-eu la?

² Ngaq-anr cawba-eu jeq-aq, Mq hawr-eu mir-anr bae-euq Ya’we Miqyaer-anr nae dovle-eu mae.

³ Aqyawf, nawq-euq aqkuir-anr sanqtif maqbi tif-ar. Nawq-anr hawpir-eu ghaq aqmyanluf yawnoeq mae.

⁴ Hawsher-eq, Irsaqleqlav-anr hawpir-eu ghaq-aq, Yufyoer maqngeur-aer yufkhav-eu maqbaw-a.

⁵ Ya’we Miqyaer-aq, nawq-anr hawpir-eu ghaq pyeuf-eu mae; Ya’we Miqyaer-aq, Nawq-euq armar paw, nawr narshmr awduq pyeuf-eu mae.

⁶ Nan’ghanr paw, nanrma, nawq-anr maqcoeq maqciv-aer; Uqcif paw, bala, nawq-anr maqcoeq maqciv-ar.

⁷ Yawdoer jeq dawqtawv luf-anr nae, Ya’we Miqyaer, nawq-anr hawpir naeqlaf-awr; Aqyawf, nawq-euq nuima saflar-anr hawpir naeqlaf taef-a.

⁸ Nymq-mr nae mqmaq maqbyav yarzir keuvni, Ya’we Miqyaer, nawr dov-ir-awr urlar-eu gar, hawpir naeqlaf taef-a.