Jaceuq 120 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Muir-eu Deuq-anr Nae Bibuq-ir Naeqlaf

Ledav ngae car-eu dawqcar

¹ Ngar guv-awr gav-eu jeq-anr tanqpuq ngae, Ya’we Miqyaer-anr kur ma. Aqyawf, ngaq-anr narhaq naeqlaf-eu mae.

² Ya’we Miqyaer-or! Jaqmyawf myawf-eu maeqluq hawr-eu maershuir shuir-eu maeqlar-anr nae, Ngaq-euq nuima saflar-anr bibuq-ir naeqlaf.

³ Jaqmyawf myawf-eu maeqlar-or! Nawq-anr aqjeq bi keuvle-awr, Nawq-anr aqjox-aer janrnaeq laf-eu jeq la laer, Nawr siqnya ma laq?

⁴ Tav duidui-eu guirzaq-euq kavmyaq hawr-eu, Yavpyawr arbawr-euq khaqgheuq-anr nerhoqni dofluf-eu miqdzaq miqdziv nae darnaeqlaf taef-a.

⁵ Ngar, Geqdaq tsawrhaq-euq saeqghawv-euq ghanrcae daef-awr, Meqshaev mirkhanq-anr jawr-euq mirnae, ghawqshar shaq-aer ghaesaef mir-a.

⁶ Ngaq-euq nuima saflar, tsaqler dzoerler-eu jeq-anr byae-eu tsawrhaq naeq-aer, Ardzaeq-aer jawrmyanr dzeur-euq mir-a.

⁷ Ngar-aq, tsaqler tsanrler-eu jeq-euq gharduq daef-eu ma. Aerkhawf, ngar ja ngae aqyawfmaf guirdeuv deuv-eu garkawv ja-eu mae.