Jaceuq 114 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Miqyaer-euq Maeqshi Yawdzuq Dzuq-eu

¹ Irsaqleqlav tsawrhaq, Irjirtuv-anr nae dovlar ngae; Yaqkov-euq nymrkhanq, aqcawq-euq dawq ngaeq-eu mirkhanq-anr nae dovlar ngae;

² Yurdav-aq, Miqyaer-euq shawr-eu jawrduq pyeuflar-awr, Irsaqleqlav-aq, aqyawf uvlanrduq pyeuflar-euq mae.

³ Aqyawf maf-anr, iqmalavshav ya’mawr ngae, caev-awr, Yawrdaq lawrbaq narkhan paw ciqpyawr-euq mae.

⁴ Gawqjawq deuq, cifmyaef lof-aer tsawq-awr; Gawqdur durzaq deuq, yawrzaq lof-aer teuv-eu mae.

⁵ Iqmalavshav-or! Nawr aqjeq mirnae caevbyov-eu le? Yawrdaq lawrbaq-or! Nawr aqjeq mirnae narkhan paw ya ciqpyawr-eu la?

⁶ Gawqjawq deuq-or! Nawr aqjeq mirnae cifmyaef lof-aer tsawq-eu le? Gawqdur durzaq deuq-or! Aqjeq mirnae yawrzaq lof-aer teuv-eu le?

⁷ Mirtsaq tanqkhawr-or! Ya’we Miqyaer-euq maeqshi yawdzuq dzuq-awq. Yaqkov-euq Miqyaer-euq maeqshi yawdzuq dzuq-awq.

⁸ Aqyawf-aq, khaqlo loyar-anr ircuf-euq lan bi pyeuflar-awr, Zawr ghanr-eu khaqlo-anr ircuf irbyoe bi pyeuflar-euq mae.