Jaceuq 110 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Miqyaer Nae Tserdov-euq Sanqpaq

Daqbir-euq cardawq

¹ Ya’we Miqyaer, ngaq-euq Sanqpaq-anr aernaeq-eu, “Ngar, nawq-anr muir-eu deuq, Nawq-euq aqkuir cawqtaqduq maqbi pyeuflar-euq khoerkeuvni, Ngaq-euq armar paw nuir-awq.”

² Ya’we Miqyaer, Ziroq-anr nae, Nawq-euq ghaq khav-eu dzoeqdzaq mr-eu gawqyoeq bi’oe-awr; Nawq-anr muir-eu deuq-euq ghanrcae bi uvlanr taef-a.

³ Nawr, baoq anr-eu arnan-anr, Nawq-euq tsawrhaq nuima keuv-awr cawba taef-a. Yawshawr-euq lafkhoer hawmuiq-eu, Uqshawq paw-euq, zaq-euq jawrzar-euq ceuq lof-aer, Nawq-euq zaqguq deuq, nawr jawr-eu gar lar taef-a.

⁴ Ya’we Miqyaer kamqtaq-euq dawq-anr maq yurkhof-a. “Nawr-aq, Maqlaqkirsaqdaev-euq dzoeqdzaq za-awr, Mqmaq maqbyav yarzir pirma yageuf taef-a.”

⁵ Sanqpaq Miqyaer, nawq-euq armar paw jawrluf-eu mae. Aqyawf nuima paer-eu arnan-anr, Mirkhanq sanqpaq deuq-anr nawqpyaevsaef taef-a.

⁶ Aqyawf, tsawrjeuq tsawrca deuq-anr yarkhaq dar-awr; Aqyawf, guirdeuv deuvduq-anr tsawrhaq bi shirbyan-eu lafkhoer, Aqyawf, mirkhanq ghawqmya khanq-euq aqyuif deuq-anr nawqpyaevsaef taef-a.

⁷ Aqyawf, garma gardzer yoer-eu lawrgawv gawvzaq-anr nae ircuf dawr taef-a. Khoermirnae, aqyawf, uqduq bafdirlaf taef-a.