Jaceuq 100 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

Ya’we Miqyaer-aq, Yawmuiq Mae

Miqyaer-euq guiqlanq-anr jaceuq-eu cardawq

¹ Mirkhanq dawqtawvluf laqkhaq caer-awr, Ya’we Miqyaer-anr gurnaeq-awq.

² Laqkhaq caertavni Ya’we Miqyaer-euq gar mr-awr, Aqyawf-euq maeqshi cardawq carcar-aer urlar-awq.

³ Ya’we Miqyaer-aq, Miqyaer mae laer siqnya-awq. Aqdui, yawqhar yawqha bae-euq maqngeur, Aqdui-anr bae-euq ghaq-aq, aqyawf mae. Aqdui-aq, aqyawf-euq tsawrhaq hawr-eu, Aqyawf-euq daega-anr jawr-eu yawr pyeuf-eu ma.

⁴ Miqyaer-euq guiqlanq-anr jaceuq-eu lafkhoer, Aqyawf-euq ghovkhaeq-anr urlar-awq. Aqyawf-anr jaceuq-eu lafkhoer, aqyawf-euq povka-anr urlar-awq. Aqyawf-euq guiqlanq-anr noeqmuiq-awr, Aqyawf-euq tsawrmyanr-anr jaceuq-awq.

⁵ Ya’we Miqyaer-aq, yawmuiq mae. Aqyawf-euq ghawqshaq gaq-eu jeq, mqmaq maqbyav yarzir gmq-awr; Aqyawf-euq yawtsaq yawdawr-aq, li-eu maqbawni tiqzir sair tiqzir zif-eu mae.