Youdas 1 - Ashiri Aeuitaknup Iyohaichish Yona 1897

¹ Yesu Kiristo koro usshiune guru ne Yakob koro iriwak Youdas anak ne, ahotuyekara wa okai, Michi ne Kamui otta aomap, Yesu Kiristo gusu ashikkashima wa okai utara otta kambi omande na:

² echi utara gusu rampoken newa itomo newa omap ambe newa ainnere an na.

³ Aomap an utara, chi utara gusu an kashiobiuki ambe gusu echi otta ku nuye kuni irammakaka ku esanniyo ita, echi utara anak ne nei arashui no ashkanne utara otta akore aeishokor-i gusu shiarikiki no uwetushmak ki kuni nekon a ka echi onishnishi ash kusu ne sekoro ku yainu wa ku nuye nisa ruwe ne.

⁴ Inambe gusu ne yakun, nuina no ahup utara okai; nei utara anak ne tap aesanniyo ambe gusu fushkotoi wano aashte utara ne, shomo Kamui ko-oripak, chikoro Kamui sange irenga ani ramupekere ne kara, patek chikoro Nishpa newa Utarapa ne Yesu Kiristo shikashke utara ne ruwe ne gusu ne na.

⁵ Orowa, arashui no obitta no okaibe echi eraman a yakka, kuani echi eshkarunde ash rusui na; Utarapa anak ne Echipt moshiri wano utara kashiobas, awa, okaketa, eishokoro shomoki utara isamka nisa ruwe ne.

⁶ Samata, yaikota koro esapane kuni ushike shomo shikkashima, koroka, okai kuni oshiroma-i ande uitek utara, Shinuma nei poro toho koipishi an-hi pakno kunne-i otta ramma pakno an tupep ani

⁷ shikkashima nisa ruwe ne. Orowa, Sodom newa Gomorra, samata nei okari an machiya poka, nei ushike korachi yaikota hoiyo ki wa oya kam otta paye gusu, ramma okere shomoki abe ani apanakte wa okai wa epakashnup gusu aashte ne ruwe ne.

⁸ Yakka, tan utara ne yakka nei no korachi wendarap ki wa kam turu-ushte, orowa, esapane ambe esapse hene ki, nupeki ambe koatcha hene ki ruwe ne.

⁹ Koroka, sapane uitekbe ne Mikaeru anak ne nitne kamui tura upahunara iki ita koatcha koipishi itak sange shomoki no, Utarapa e kopao kusu ne ari an itak ani ye nisa ruwe ne.

¹⁰ Koroka, tan utara anak ne yaikota eramnskkare ambe gusu koatcha ki: orowa, ramu-sak no an okaibe rengaine eramanbe korachi, nei utara nei ambe eraman, tap okaibe gusu aisamka ruwe ne na.

¹¹ Nei utara yaisambepokash humi! Kain koro michi kari apkash, pummaha gusu Baraam koro ohaitap gusu vaiemaka, Kora Ainu ki tasa itak gusu aisamka nisa ruwe ne.

¹² Tan utara anak ne echi tura no marapto ki ita echi koro omap gusu an marapto oshiketa okai nuina no an watara ne, ishitoma shomo-ki yaiibere reshpa utara ne, rera pashte wakka sak nishkuru ne, ibe sak chukpa un chikuni, tu shui shumumge,

¹³ shinrit komesup ne ruwe ne; yaikota koro yainikoroshma kuni koishum sange atui un yupke riri ne, gusu shashuishiri wano kunne kurokokbe eumashnu wa okai ekeshne paye nochiu ne ruwe ne na.

¹⁴ Tan utara gusu, Adam orowa no arawan ikinne an ainu ne Enok anak ne uweingara ki wa ene itakhi:— Ingara yan, Utarapa anak ne koro turu-sak inne topaha tura wa ek hine,

¹⁵ obitta no okai utara koipishi, Kamui koatcha obitta no okai utara koatcha an wa obitta no okai koatcha ki ikip gusu hemhem, Shinuma ohaigekara wa koatcha wen-buri koro utara ye hokamba itak gusu hemhem ki kusu ne na.

¹⁶ Tan utara anak ne oromam ki utara ne, iyaishirikara utara ne, koro hoiyo keutum nei no eshipa ki (paroho an poro yaiomonnure itak ye) ani yaiepirikare gusu an utara panore ruwe ne.

¹⁷ Koroka, aomap an echi utara, chikoro Utarapa ne Yesu Kiristo koro Apostoro utara ye okere itak eshkarun yan;

¹⁸ okese an paki ita yaikota koro Kamui koatcha an hoiyo keutum nei no apkash wa eoyaitak ki utara araki kusu ne, ari an itak ani echi epakashnu

¹⁹ gusu ye nisa ruwe ne. Nei utara anak ne uwekopi ki utara ne, Ramat koro shomoki no rengaine an keutum koro utara ne ruwe ne.

²⁰ Koroka, aomap an utara echi utara anak ne Ashkanne Ramat oshiketa inonno-itak ki,

²¹ Kamui omap-i otta yaishikkashima, shiokere shomoki inotu gusu an chikoro Utarapa ne Yesu Kiristo koro rampoken etere hine, echi koro iyotta turu-sak an eiskokorope kata yaiashtere yan.

²² Orowa, echi epeka upahunara utara erampokiwen wa kore; an utara abe orowa no yange wa kashiobas;

²³ ishitoma ki wa an utara erampokiwen wa kore: samata, kam gusu chikosamtek anrip poka etunne yan.

²⁴ Orowa shui, iteki echi ureepetchiu kuni ne echi shikkashima, orowa, turu-sak no shi no nupetne no koro kotchaketa echi ashte eashkaibe orota,

²⁵ chikoro Utarapa ne Yesu Kiristo gusu patek chikoro un kashiobiuki Kamui orota nupeki newa, pase ambe newa, kiroro newa, nrondum kane, paki-i etoko ne yakka, tane ne yakka, shashuishiri pakno ne yakka an kuni akoramkon na. Amen.