Yoannes 7 - Ashiri Aeuitaknup Iyohaichish Yona 1897

7 Ik.

¹ Tap okaibe okaketa Yesu anak ne Gariraya kotan ta apkash: Yudea un utara Shinuma raige kuni ramu gusu Yudea kotan ta apkash shomoki nisa ruwe ne gusu ne na.

² Orowa, Yudea un utara koro marapto, kash kara marapto, ehange no an ruwe ne.

³ Tambe gusu, koro ainu iriwak anak ne Shinuma otta ene itak-hi :— Te wano E oman wa E ki okaibe E koro koikara utara poka nukara kuni gusu Yudea kotan orun arapa yan.

⁴ Inambe gusu ne yakun, yaikota aeamkirire rusui wa nuina no ikip ki guru isama. Tap okaibe E ki chiki moshiri uirup otta yainukara yan, ari itak.

⁵ Koro ainu iriwak utara ne yakka Shinuma eishokoro shomoki shiri an ruwe ne gusu ne na.

⁶ Tambe gusu, nei utara otta Yesu ene itak-hi :— Ku pakihi anak ne naa shomo ek ruwe ne; koroka,

⁷ echi koro pakihi anak ramma an ruwe ne Moshiri anak ne echi etunne eaikap; koroka, nei ambe koro ikip anak ne wen ruwe ne ani an ambe paweteshu Ku ki gusu En etunne ruwe ne.

⁸ Nei marapto orun echi paye wa hemespa: Kuani anak ne marapto otta naa shomo Ku hemesu; Ku pakihi anak ne naa shomo auweomare ruwe ne gusu ne na, ari itak.

⁹ Orowa, nei utara otta tap okaibe ye okere chiki, Gariraya kotan ta reushi nisa ruwe ne na.

¹⁰ Koroka, koro ainu uiriwak nei marapto otta hemespa wa isam okaketa, Shinuma ne yakka hemesu, yainukare wa shomo ne, arorokishne no an korachi hemesu nisa ruwe ne na.

¹¹ Tambe gusu, Yudea un utara anak ne marapto an rapoketa Shinuma hunara wa :— Nei guru nei ita an ruwe he an? ari itak.

¹² Awa, inne utara tumugeta Shinuma gusu poron no oromam an ruwe ne: Shinuma pirika guru ne, ani ye utara okai, shomo, inne utara shiren ruwe ne, ani ye utara okai.

¹³ Yakka, Yudea un utara ko-ishitoma gusu anu no Yesu orushpe ye guru isam ruwe ne.

¹⁴ Koroka, tane marapto uturu an koro anak ne Yesu Kamui kora kenru orun hemesu, orowa, epakashnu nisa ruwe ne.

¹⁵ Tambe gusu, Yudea un utara enushkari hine ene itak-hi :— Nekon a iki wa tan guru anak ne eyaihannokkara shomoki no nuye ikiri eraman ya? ari itak.

¹⁶ Tambe gusu, Yesu nei utara ko-ese wa ene itak-hi :— Ku epakashnu epakashi anak ne Ku korobe shomo ne, En omandep korobe ne ruwe ne.

¹⁷ Nen ne yakka Shinuma irenga ki kuni oshitchiu guru anak ne nei epakashi Kamui orowa no ekbe ne ya hene, Kuani yaikota orowa no sangep ne ya hene eraman kusu ne na.

¹⁸ Yaikota orowa no itak sange guru anak ne yaikota airamyere kuni gusu hunara ruwe ne: koroka, yaikota omande guru ramu-a-yere kuni gusu hunara guru anak ne, nei guru anak son no ambe ne, Shinuma oshiketa oupeka sak-i isam ruwe ne.

¹⁹ Mose anak ne tuitak echi kore shomoki ya, orowa, nei tuitak nei no ki guru echi tumugeta isama? Nep gusu En raige kuni echi hunara ya?

²⁰ Inne utara ene ese-hi :— Eani anak ne nitne kamui ashikatkare an E raige kuni hunara guru nen ne ruwe he an?

²¹ Yesu ese wa nei utara otta ene itak-hi :— Kuani shine ikip Ku ki, awa, tan ikkewehe gusu echi utara obitta e-nushkari nisa ruwe ne.

²² Mose anak ne okarituye buri echi kore (nei ambe anak ne Mose orowa no hetuku buri shomo ne, ekashi orowa no asangep ne); orowa, Shini toho ta ainu otta okarituye buri echi ki ruwe ne.

²³ Mose tuitak shomo ehaita kuni gusu Shini toho ta ainu anak ne okarituye buri akire chiki; Kuani anak ne Shini toho ta ainu irammakaka tumashnure nisa ruwe ne gusu, echi En ko-irushka ya?

²⁴ Anukara noine an ambe gusu iteki koipishi yan, oupeka koipishi ambe ani koipishi yan, ari itak.

²⁵ Tambe gusu Yerusarem kotan un utara sereke ene itak-hi :— Tan guru anak ne utara raige kuni gusu hunara guru shomo ne ya?

²⁶ Yakka, Shinuma nuina shomoki no itak ki korʼan, awa, otta nep ne yakka ki shomoki ruwe ne. Tambe anak ne son no newa Kiristo ne sekoro sapane utara eraman eashkaibe ne ruwe?

²⁷ Koroka, chi utara anak ne tan guru nei wa ek guru ne ya chi eraman: koroka, Kiristo ek chiki, Shinuma nei wa ekbe ne ya, nen ne yakka erampeutek ruwe ne na, ari itak.

²⁸ Tambe gusu, Yesu anak ne Kamui kora kenru ta hawe sange wa epakashnu hine ene itak-hi :— Echi utara anak ne En eamkiri hemhem ki, nei wano Ku ekbe ne ya echi eramu hemhem ki; orowa, Kuani yaikota yai Ku omande shomoki, koroka, En omandep anak ne son no ambe ne, echi utara anak ne Shinuma eamkiri shomoki ruwe ne na.

²⁹ Kuani Shinuma eamkiri; Kuani anak ne Shinuma orowa no Ku ek, orowa, Shinuma En omande nisa ruwe ne gusu ne na.

³⁰ Tambe gusu, nei utara anak ne Shinuma kishima kuni hunara: awa, Shinuma koro pakihi naa shomo an gusu kashiketa teke ande guru isam ruwe ne.

³¹ Koroka, topaha utara un inne utara anak ne Shinuma eishokoro; aine, ene itak-hi :— Kiristo ek chiki tan guru ki shirosh kasu no naa innep ki kusu ne ruwe he an? ari itak.

³² Inne utara tap okaibe ani Yesu gusu oromam wa ye shiri Parisee un utara nu ruwe ne; awa, Kamui kora kenru esapane utara newa Parisee un utara anak ne Shinuma kishima kuni ne uitek utara payere nisa ruwe ne.

³³ Tambe gusu, Yesu ene itak-hi :— Naa pon no uturuta echi tura no Ku an, orowa no En omandep otta Ku arapa kusu ne.

³⁴ Echi utara En hunara wa shomo En nukara kusu ne na: orowa, Ku an

³⁵ ushike un echi araki eaikap ruwe ne, ari itak. Tambe gusu, Yudea un utara anak ne utashpa ene itak-hi :— Shomo chi nukara kuni inan ushike orun tan guru oman ya? Herenes un utara tumugeta chichari wa okai utara otta oman wa nei Herenes un utara epakashnu kusu ne ruwe he an?

³⁶ Echi utara En hunara wa shomo En nukara: orowa, Ku an ushike un echi araki eaikap, sekorʼan Shinuma ye tan itak anak ne nekon a an itak ne ya? ari itak.

³⁷ Orowa, nei okese an toho ta, marapto gusu an pase toho ta anak ne, Yesu ash wa hawe sange hine ene itak-hi :— Iku rusui guru an yakun, En otta ek wa iku yan.

³⁸ En eishokoro gurʼanak ne, Kamui nuyere kambi ye korachi, shinuma koro honi orowa no ishu wakka an pet san kusu ne na, ari itak.

³⁹ Koroka, Shinuma tan itak ye katu anak ne Shinuma eishokoro kusu ne utara uk kuni Ramat epeka no an itak ne: inambe gusu ne yakun, Yesu naa shomo anupektere gusu, Ramat anak ne naa shomo an ruwe ne.

⁴⁰ Tambe gusu, inne utara un serekehe anak ne tan itak nu chiki ene itak-hi :— Son no poka tambe anak nei uweingara guru ne, ari itak.

⁴¹ Shui, Tambe anak ne Kiristo ne, ani ye utara okai. Koroka, Hemanda, Kiristo anak ne Gariraya wano ek ruwe he an?

⁴² Kiristo anak ne Dabid sanikiri ne, orowa, Dabid koro kotan, Betrehem kotan orowa no hetuku kuni ne sekoro Kamui nuyere kambi ye shomoki ya? ari an itak ani ye utara okai.

⁴³ Orowa no, Shinuma gusu inne utara tumugeta eukopi an ruwe ne.

⁴⁴ Orowa, Shinuma kishima rusui utara okai, koroka, kashiketa koro teke ande guru isam ruwe ne.

⁴⁵ Tambe gusu, nei auitek utara anak ne Kamui kora kenru esapane utara newa Parisee un utara orota araki: awa, nei utara anak ne auitek utara otta, Hemanda gusu Shinuma ani wa araki shomoki ya? ari itak.

⁴⁶ Auitek utara, Tan guru ye korachi ramma pakno nen ne yakka ye shomoki ruwe ne, ani ese itak ki.

⁴⁷ Tambe gusu, Parisee un utara anak ne otta ene ese-hi :— Echi utara ne yakka shiren wa okai ruwe?

⁴⁸ Esapane utara hene Parisee un utara hene Shinuma eishokoro ruwe?

⁴⁹ Koroka, tuitak eramushkare tan inne utara anak ne akoatcha utara ne ruwe ne, ari itak.

⁵⁰ Nikodemos nei utara otta ene itak-hi (Shinuma anak hoshiki no Yesu otta ek guru ne, orowa, nei utara un Shinen ne) :—

⁵¹ Chikoro tuitak anak ne hoshiki no ainu yaikota otta nu wa shinuma nekon a ambe ki ya sekorʼan orushpe eraman shomoki chiki katpak an sekoro esanniyo ya? ari itak.

⁵² Orota nei utara ese wa ene itak-hi :— Eani ne yakka Gariraya un guru e ne ya? Hunara wa ingara yan, Gariraya wano uweingara guru hopuni shomoki ruwe ne na, ari itak.

⁵³ [Orowa, nei utara anak ne obitta koro chisei orun