Yoannes 16 - Ashiri Aeuitaknup Iyohaichish Yona 1897

IK.

¹ Echi utara shomo aureepetchiure kuni gusu tap okaibe echi otta Ku ye nisa.

² Utara anak ne Uwekarapa chisei orowa no echi emaka: ruwe ne wa, nen ne yakka echi ronnu guru anak ne Kamui otta yaishieiwangere kuni ramu kusu ne pakihi ek ruwe ne.

³ Nei utara Michi eamkiri shomoki, En eamkiri ka shomoki gusu tap okaibe ki kusu ne.

⁴ Koroka, tan orushpe echi otta Ku ye ikkewehe anak ne, nei pakihi hetuku chiki, nei orushpe Kuani echi nure ash a ambe echi eshkarun kuni gusu an ap ne ruwe ne. Orowa, atpake wano tap okai orushpe shomo echi orun Ku ye, echi tura no Ku an nisa ruwe ne gusu ne na.

⁵ Koroka, tane anak ne En omandep otta Ku oman ruwe ne; aige, Ine un E oman ya? sekoro echi utara tumugeta nu guru isama.

⁶ Koroka, tap okaibe echi otta Ku ye gusu echi sambe anak ne ok ani aeshik ruwe ne.

⁷ Yakka, son no ambe echi nure ash na; Kuani Ku oman-i anak ne echi utara gusu pirikap ne: inambe gusu ne yakun, Ku oman shomoki chiki nei Kotchane ki kunip echi otta ek shomoki kusu ne na; koroka, Ku oman yakun echi otta Shinuma Ku omande kusu ne na.

⁸ Orowa, Shinuma anak ne ek chiki, chikokatpakhe gusu hemhem, oupeka ambe gusu hemhem, koipishi ambe gusu hemhem moshiri kokatpakte kusu ne:

⁹ chikokatpakbe gusu ne ap anak, nei utara En eishokoro shomoki gusu ne; oupeka ambe gusu ne ap anak,

¹⁰ Kuani Michi orun Ku oman wa naa echi utara En nukara shomoki gusu ne;

¹¹ koipishi ambe gusu an ap anak, tan moshiri un esapanep akoipishi nisa ruwe ne gusu ne gusu ne na.

¹² Echi otta Ku ye kuni okaibe poron no okai, koroka, tane echi nu eaikap ruwe ne.

¹³ Koroka, nei Sone an Ramat anak ne ek wa an chiki, Shinuma anak obitta no okai sonep otta echi ani wa tura kusu ne: inambe gusu ne yakun, Shinuma anak ne Yaikota orowa no ye shomoki; koroka, Shinuma nu kusu ne okaibe obitta ye kusu ne gusu ne na: orowa, Shinuma anak ne ek kusu ne okaibe echi nure kusu ne ruwe ne.

¹⁴ Shinuma En ko-oripakte kusu ne: Ku korobe Shinuma uina wa echi nure kusu ne gusu ne na.

¹⁵ Nep ne yakka obitta no Ku Michi korobe anak ne Ku korobe ne: tambe gusu, Shinuma Ku korobe uina wa echi nukare kusu ne, ani Ku ye nisa ruwe ne na.

¹⁶ Nisako ta naa echi En nukara shomoki ruwe ne; orowa, shui nisako ta echi En nukara kusu ne, sekoro itak.

¹⁷ Tambe gusu, koro koikara utara ene utashpa uweitak-hi :— Tap nisako ta naa echi En nukara shomoki ruwe ne; orowa, shui nisako ta echi En nukara kusu ne: orowa, Michi otta Ku oman kusu ne gusu ne na, ani Shinuma ye itak, nekon a itak ambe ne ya?

¹⁸ Tambe gusu, nei utara ene itak-hi :— Shinuma ye, Nisako ta, ani itak, nekon a ambe ne ya? Shinuma ye itak chi eramushkari.

¹⁹ Orowa, nei utara anak ne tan orushpe nu rusui sekoro Yesu eraman wa otta ene itak-hi :— Nisako ta naa echi En nukara shomoki ruwe ne, orowa, shui nisako ta echi En nukara kusu ne: ani Ku ye itak gusu echi utara utashpa uwepekennu ruwe he an?

²⁰ Son no, son no, echi otta Ku ye, echi utara anak ne chish hemhem ki, esarachish hemhem echi ki, koroka, moshiri anak yaikopuntek kusu ne: echi oknatara kusu ne, koroka echi oknatarap anak ne yaikopuntekbe ne akara kusu ne na.

²¹ Po usapte shiri an shiwentep anak ne koro pakihi epa gusu oknatara: koroka, po shikore okere yakun, moshirʼotta ainu hetuku gusu an yaikopuntek-i gusu nei eramchuptekbe naa eshkarun shomoki ruwe ne.

²² Tambe gusu, echi utara anak ne tane oknatara: koroka, shui, Kuani echi nukara wa echi yaikopuntek kusu ne, orowa, nei okai echi koro yaikopuntek-i echi orowa no uk guru isama.

²³ Nei toho ta nep ne yakka En otta echi uwepekennu shomoki. Son no, son no, echi otta Ku ye :— Nepka Ku Michi otta echi koramkoro yakun, Shinuma Ku reihei rengap gusu echi kore kusu ne.

²⁴ Tane pakno Ku reihei rengap gusu nep ne yakka echi koramkoro shomoki: koramkoro yan, orowa, echi yaikopuntek-i auweoma kuni gusu echi akore kusu ne na.

²⁵ Itak-maukushte-itak ani tap okaibe echi otta Ku ye nisa: itak-maukushte-itak Ku eiwange shomoki no, koroka, anu no Michi orushpe echi nure ash pakihi ek ruwe ne.

²⁶ Nei toho ta Ku reihei rengap gusu echi koramkoro kusu ne; orowa, echi utara gusu Kuani anak ne Michi otta ku koramkoro sekoro echi otta Ku ye shomoki;

²⁷ inambe gusu ne yakun, Michi anak ne yaikota echi omap ruwe ne, echi utara En omap wa Michi orowa no Ku ek an sekoro echi eishokon nisa ruwe ne gusu ne na.

²⁸ Kuani Michi orowa no Ku ek wa moshirʼotta Ku an shiri ne: shui, moshiri Ku hoppa wa Michi orota Ku oman ruwe ne.

²⁹ Orota koikara utara ene itak-hi :— Tane anak Aokai anak ne itak-maukushte-itak ani ye shomoki no, anu no E ye ruwe ne.

³⁰ Tane anak ne Aokai obitta no an okaibe eraman, orowa, inan guru ne yakka Aokai otta koramkoro shomoki yakka pirika shiri chi eraman; tambe gusu, Aokai anak ne Kamui orowa no ek an sekoro chi eishokon ruwe ne.

³¹ Orota Yesu ene ese-hi :—

³² Tane echi eishokoro ya? Ingarʼan, echi utara anak pishno yaikota korobe otta acharichari wa moshima no En ande pakihi ek; ruwe ne wa, tane nei pakihi ek shiri an ruwe ne: yakka, Michi anak ne En tura no an gusu shinen nepo Ku an shomo ne ruwe ne na.

³³ Echi utara anak ne En oshiketa itomo irenga echi koro kuni gusu tap okaibe echi otta Ku ye nisa ruwe ne. Moshiri otta echi aeramchuptekka kusu ne: koroka, ramu-ritetke yan; Kuani anak Moshiri annokan nisa ruwe ne na.