Yoannes 12 - Ashiri Aeuitaknup Iyohaichish Yona 1897

12 Ik.

¹ Aige, Kamakush marapto iwan rereko etokota Yesu anak ne rai orowa no hetopo-shiknure Razaros an kotan Betania kotan orota ek nisa ruwe ne.

² Nei kotan ta Shinuma gusu kunne-ibe akara; awa, Maruta anak ne yaishieiwangere nisa ruwe ne; koroka, Razaros anak ibe gusu Shinuma tura no a korʼan ruwe ne.

³ Aine, Maria anak shi no oro an no an turu-sak nardos shum shine ikkin koro hine Yesu koro chikiri kashi-ota wa yaikota koro otop ani nei chikiri piruba nisa ruwe ne: orowa, nei hura chisei upshoro obitta etushnatki nisa ruwe ne.

⁴ Koroka, koro koikara utara tumugeta an Shinuma ekoshi kusu ne Kariot kotan un Youdas anak ne ene itak-hi :—

⁵ Hemanda gusu tan shum ashikne hotne denaria ikashima shine wan hotne denaria gusu aehok wa irapokkari utara otta akoropare shomoki ya? sekoro itak.

⁶ Nei guru anak ne irapokkari utara ramu-ehahge gusu tambe ye shomoki, koroka, shinuma ikka guru ne, orowa, shuop koro wa nei oshiketa aomare okaibe ani wa oman nisa ruwe ne.

⁷ Tambe gusu, Yesu ene itak-hi :— Moshima no okai yan, tushiri oro Ku aomare kuni toho gusu tan shiwentep nei no ki nisa ruwe ne.

⁸ Irapokkari utara ramma echi tura no okai, koroka, Kuani anak ramma echi tura no an shomo ne ruwe ne gusu ne na, ari itak.

⁹ Tambe gusu, Shinuma anak ne nei ushiketa an shiri Yudea un utara tumugeta okai use utara eraman; awa, ouse Yesu rengap gusu patek shomo ne, koroka, Shinuma rai orowa no shiknure Razaros nukara kuni gusu araki ruwe ne.

¹⁰ Koroka, Kamui kora kenru esapane utara anak ne Razaros ne yakka raige kuni eukoramkoro;

¹¹ shinuma gusu inne utara paye wa Yesu eishokon nisa ruwe ne gusu ne na.

¹² Nei shimge toho ta marapto gusu araki poro inne utara anak ne Yesu Yerusarem kotan ta ek kusu ne shiri nu chiki,

¹³ shuro chikuni ni-tek koro wa ekanok gusu paye, orowa, itak sange hawe ene okai-hi :— Hosanna: Utarapa reihei ankushkerai ek Israeru un utara Shikkashima guru airamye an na, ari itak.

¹⁴ Orowa, Yesu pon roba pa chiki kata o nisa ruwe ne; —

¹⁵ Zion matnepo iteki ishitoma yan, ingara, Aokai gusu an Moshiri shikkashima guru anak ne roba po kata o wa ek ruwe ne, chieshinnuye wa an korachi ne na.

¹⁶ Koro koikara, utara anak ne atpaketa tap okaibe erampeutek: koroka, Yesu anak anupekte okaketa, nei ita anak ne tap okaibe Shinuma gusu chieshinnuye wa an shiri, samata, tap okaibe Yesu gusu iki nisa ruwe ne shiri, eshkarun nisa ruwe ne na.

¹⁷ Shinuma anak ne tushiri orowa no Razaros hotuyekara wa soinere hine rai orowa no hetopo-shiknure ita tura no okai utara paweteshu ki nisa ruwe ne.

¹⁸ Tan ikkewe an gusu ne yakka inne utara paye wa Shinuma ekanok ruwe ne. Shinuma anak tan shirosh iki nisa ruwe ne shiri nei utara nu okere ruwe ne gusu ne na.

¹⁹ Tambe gusu, Parisee un utara anak ne utashpa ene uweitak-hi :— Echi utara nep ne yakka ki okaibe raka isambe shiri ingara yan; ingarʼan, moshirʼebitta nei osh paye nisa ruwe ne, ari itak.

²⁰ Orowa, marapto an ita ongami gusu hemespa utara tumugeta Herenes un utara okai; nei utara

²¹ anak ne Gariraya moshiri ta an Betsaida kotan un Piripos otta araki hine nu wa ene itak-hi :—

²² Nishpa, Yesu chi nukan rusui, ari itak. Piripos anak ne ek wa Andreas otta nure: orowa, Andreas newa Piripos anak araki wa Yesu nure nisa ruwe ne na.

²³ Orota Yesu ese wa ene itak-hi :— Ainu Poho anupekte kuni pakihi ek an ruwe ne.

²⁴ Son no, son no, echi otta Ku ye, munge piye num anak ne toi tumu hachiri wa munin shomoki yakun, yaikota shinep ne a an ruwe ne; koroka, munin yak anak ne poron no ibehe o ruwe ne.

²⁵ Kon ramat omap gurʼanak ne nei ambe turainu ruwe ne; orowa, tap moshiri kata an wa kon ramat etunne gurʼanak ne ramma okere shomoki ishu-i otta nei ambe shikkashima kusu ne.

²⁶ Nen ne yakka En gusu yaishieiwangere kuni ramu guru an yakun, En osh araki yan; Ku an ushiketa Ku goro uitek guru ne yakka nei ita an kusu ne; nen ne yakka En gusu yaishieiwangere guru an chiki, Ku Michi anak ne shinuma kooripak kusu ne na.

²⁷ Tane Ku ramat anak ne chiukopoye ruwe ne: Hemanda Ku ye kusu ne ya? Michi, tan pakihi En ohaitare wa En kore. Koroka, tambe gusu tan pakihi pakno Ku an.

²⁸ Michi, E reihei nupekte wa En kore, ari itak. Tambe gusu, kando orowa no hawe anu, Kuani anak ne nei ambe nupekte nisa ruwe ne, orowa kanna Ku nupekte kusu ne na, ene hawe anu.

²⁹ Samaketa roshki wa okai utara nei hawe nu chiki, Kamui-humi ash, sekoro itak: Orota Kamui hauturumbe itak nisa ruwe ne, ani ye utara okai.

³⁰ Yesu ese wa, ene itak-hi :— En gusu tan hawe ek ka shomoki, echi utara gusu ek nisa ruwe ne.

³¹ Tane anak ne tan moshiri koipishi an ruwe ne; tane anak ne tan moshiri un esapanep aoashinge kusu ne na.

³² Orowa, Kuani anak ne shiri wano a en ayange yakun, yaikota orun ingi-utara Ku nimba kusu ne na, ari itak.

³³ Koroka, tan itak ye katu anak ne nekon a rai katu ani ekot kusu ne i epeka no aye katu ne ruwe ne.

³⁴ Tambe gusu, inne utara Shinuma otta ene ese-hi :— Kiristo anak ne ramma an kusu ne shiri tuitak kata chi nu: awa, nekon a Ainu Poho ayange kusu ne ap sekoro E ye ya? Tan Ainu Poho nen ne ruwe he an?

³⁵ Tambe gusu, nei utara otta Yesu ene itak-hi :— Naa irukai pekere anak ne echi tumta an. Shirikunne echi oshkoni shomoki kuni gusu pekere echi koro rapoketa apkash yan; shirikunne ta apkash gurʼanak ne ine un oman shiri erampeutek ruwe ne.

³⁶ Pekere poho echi ne kuni gusu nei pekere echi otta an rapoketa, nei pekere eishokoro yan. Yesu tap okaibe ye okere koro, oman wa nei utara gusu yai-nuina nisa ruwe ne na.

³⁷ Koroka, okai utara kotchaketa nei pakno shirosh ki a yakka Shinuma eishokoro shomoki nisa ruwe ne:

³⁸ tambe anak uweingara guru ne Isaya ye ene okai itak auweomare kuni gusu nep, Utarapa, chikoro shongo eishokoro guru nen ne ruwe? Inan guru otta Utarapa koro amunini anukare ruwe he an?

³⁹ Tambe gusu, nei utara anak ne eishokoro eaikap ruwe ne, orowa, Isaya shui ene ye ruwe ne gusu ne na,

⁴⁰ Shinuma anak ne nei utara koro shiki shik-nakte, koro sambe nishtere ruwe ne; Ikineipeka, shomo shiki ani nukara, keutum aui ramepakari, Orowa, hoshipi hine Nei utara Ku iwangere kuni gusu ne na.

⁴¹ Isaya anak ne Shinuma koro arakuru nukara gusu tan okaibe ye nisa ruwe ne: orowa, Shinuma gusu itak ki nisa ruwe ne na.

⁴² Yakka, esapane utara tumugeta okai inne utara anak Shinuma eishokon nisa ruwe ne; koroka, uwekarapa chisei orowa no iteki aemaka kuni ne Parisee un utara okai gusu eyaipushi shomoki ruwe ne;

⁴³ Kamui orowa no airamye kuni ambe kasu no ainu orowa no airamye kuni ambe omap nisa ruwe ne gusu ne na.

⁴⁴ Orowa, Yesu hawe ashte wa ene itak-hi :— En eishokoro gurʼanak ne En eishokoro shomoki, koroka, En omandep eishokon ruwe ne.

⁴⁵ Samata, En nukara gurʼanak ne En omandep nukan ruwe ne.

⁴⁶ En eishokoro guru anak ne iteki kunne-i ta oshiroma kuni gusu moshirʼotta ek pekere Ku ne ruwe ne.

⁴⁷ Orowa, Ku ye orushpe nu wa nei ambe shikkashima shomoki guru an chiki, Kuani anak shinuma koipishi shomoki: inambe gusu ne yakun, moshiri koipishi gusu Ku ek ka shomo ne, moshiri kashiobiuki gusu Ku ek ruwe ne.

⁴⁸ En emaka wa Ku ye orushpe koro shomoki guru gusu anak ne shine koipishi ki guru an: Ku ye okere itak anak ne nei ambe okese toho ta shinuma koipishi kusu ne na.

⁴⁹ Inambe gusu ne yakun, Kuani yaikota orowa no Ku ye shomoki; koroka, En omande Michi anak Ku ye kuni orushpe, Ku sange kuni itak, En ikashpaotte nisa ruwe ne.

⁵⁰ Orowa, Shinuma ki ikashpaotte anak ne ramma okere shomoki ishu ambe ne sekoro Ku eraman: tambe gusu, orushpe Ku ye-hi anak Ku goro Michi En nure korachi nei ambe Ku ye ruwe ne.