Yakob 5 - Ashiri Aeuitaknup Iyohaichish Yona 1897

5 Ik.

¹ Oteknu an echi utara, tane paye wa echi otta ek kushki yairamkoiki ambe gusu chish yan, hawe ashte yan.

² Echi koro ikoro munin, echi koro amip shish ae ruwe ne.

³ Echi koro kongani, echi koro shirokani shikopop; nei shikopopbe anak ne echi gusu paweteshu ki, abe korachi echi koro kam ibe kusu ne na. Okese an toho ta ikoro echi eumashnu nisa ruwe ne.

⁴ Ingarʼan, echi utara iramisamka ki wa echi kot toi mose-kara gusu auitek utara koro pummaha hawe ashte ruwe ne: mose-kara ki utara koro hawehe anak ne Sabaot koro Utarapa kisaraha orun ahun nisa ruwe ne na.

⁵ Moshiri kata aep oshiroma no echi ishu wa yai yainuchattekte nisa, raige kuni toho ta keutum echi ritetkere nisa ruwe ne.

⁶ Katpak kore wa oupeka guru echi raige; shinuma eshishire shomoki ruwe ne na.

⁷ Tambe gusu, ku iriwak utara, Utarapa an pakno ramushiporore yan. Ingarʼan, toita guru anak ne aro-apto okake apto ek pakno ramushiporore wa toi wano an nupuru ibehe untere ruwe ne.

⁸ Echi utara poka ramushiporore yan; koro keutum atte yan:

⁹ Utarapa ehange no an ruwe ne gusu ne na. Ku iriwak utara, shomo echi akoipishi an kuni ne, iteki utashpa oromam ki yan; ingarʼan, koipishi ki Kamui anak ne apa samaketa an ruwe ne.

¹⁰ Ku iriwak utara. Utarapa reihei gusu ye uweingara utara koikara hine yairamkoiki wa ramushiporore yan.

¹¹ Ingarʼan, yaishiporore ki a utara anunuke ne sekoro chi ye: Yob ki yaishiporore ambe echi nu nisa, orowa, Utarapa anak ne chishildraine ani aeshik wa rampoken kore Utarapa ne sekoro echi nukan nisa ruwe ne na.

¹² Koroka, ku iriwak utara, tambe makangane yaitubare yan, kando epeka no hemhem, toitoi epeka no hemhem, moshima okaibe epeka no hemhem iteki shiyuppa no ekambakbe ki yan: koroka shomo echi akoipishi an kuni ne, ruwe un anak ne ruwe un ani ye, shomo anak ne shomo ani ye yan.

¹³ Echi tumugeta wenbe gusu yairamkoiki guru an ya? yakun, inonno-itak ki yan. Yainuchattek guru an ya? yakun, iramye shinotcha ki yan.

¹⁴ Echi tumugeta tashum ki guru an ya? yakun, Karisia un ekashi utara hotuyekara wa shinuma gusu inonno-itak ki, aige, Utarapa reihei ankushkerai kashiketa shum ota yan: orowa,

¹⁵ eishokoro an inonno-itak anak ne tashum guru shiknure, Utarapa anak ne Shinuma iwangere kusu ne na: samata, shinuma katpak ki a chiki atusare kusu ne na.

¹⁶ Tambe gusu, echi ki katpak utashpa uwe-eyaipushi yan, echi utara aiwangere kuni ne uweutashpa gusu inonno-itak ki yan. Oupeka guru ki inonno-itak anak ne porobe iki ruwe ne na.

¹⁷ Ericha anak ne chi utara korachi ainu buri koro, aige, apto shomo ash kuni ne shinuma inonno-itak ki nisa ruwe ne, aine, re pa re chup uturuta moshiri kata apto isam nisa ruwe ne na.

¹⁸ Orowa, shui shinuma inonno-itak ki; awa, kando anak ne apto koropare, aige, toitoi ibehe hetukure nisa ruwe ne.

¹⁹ Ku iriwak utara, echi tumugeta nen ka sonep ehaita, aige, moshima guru shinuma yaikokatpakte chiki; tambe onnere yan,

²⁰ koro ohaita katpak eyaikokatpakte guru anak ne rai-i orowa no ramat ohaita re kusu ne, samata, inne no okai katpak kamure kusu ne na.