Yakob 4 - Ashiri Aeuitaknup Iyohaichish Yona 1897

4 Ik.

¹ Echi tumugeta okai iki tumi newa ukoiki ambe anak ne hunak wa hetuku ya? Echi koro awehe ta iki eikaunu an keutum gusu shomo hetuku ya?

² Echi utara ibeporore ki, koroka, shomo koro: echi keuk hemhem ki, ikoitupa hemhem ki, koroka, uina eaikap ruwe ne: ukoiki echi ki, tumi echi koro; shomo echi koramkoro gusu shomo echi kon ruwe ne.

³ Echi koramkoro, aige, shomo akore na, eikaunu an no yaikota gusu nei ambe eiwange kuni ne wen no echi koramkoro ruwe ne gusu ne na.

⁴ Omoinu koro utara, moshiri kateomare ambe anak ne Kamui epokbap ne sekoro shomo echi eraman ya? Tambe gusu, nen ne yakka moshiri kateomare kuni ramu gurʼanak ne, Kamui epokba guru ne yaikara ruwe ne.

⁵ Samata, ikkewe isam no Kamui kambi ye ruwe ne sekoro echi yainu ya? Un onnaigeta Shinuma shiromare ramat anak ne eyaitunnap iki ruwe he an?

⁶ Koroka, Shinuma anak ne irenga naa an no un koropare. Tambe gusu, Kamui anak ne pakesara utara eshishi, koroka, yaieoripakka utara otta irenga koropare ruwe ne, ari itak.

⁷ Tambe gusu, Kamui koitaknu yan; koroka, nitne kamui esbishi yan, yakun shinuma echi orowa no shaot kusu ne na.

⁸ Kamui orun karange no araki yan, yakun, Shinuma echi orun karange no ek kusu ne. Katpak koro utara, echi koro teke ashkannere yan; tu keutum koro utara, echi koro sarabe turusakte yan.

⁹ Yairamkoiki hene ki, yaituwashkarap hene ki, chish hene ki yan; echi mina ambe itasare wa yaituwashkarap ne kara, echi nupetne-hi itasare wa oknatara ambe ne kara yan.

¹⁰ Utarapa tek-samata yaieoripakka yan, yakun Shinuma echi riknare kusu ne na.

¹¹ Iriwak utara, utashpa iteki ohaigekara yan. Koro iriwak gusu ohaigekara hene ki, iriwak koipishi hene ki gurʼanak ne tuitak ohaigekara, tuitak koipishi ruwe ne: koroka, eani anak ne tuitak koipishi chiki, tuitak ki guru shomo e ne, koipishi ki guru e ne ruwe ne.

¹² Tuitak sange wa koipiship shinep an, nei ambe anak ne kashiobiuki hene ki isamka hene ki eashkaibe ne: koroka, aota un guru koipishi eani anak ne nen ne ruwe?

¹³ Tanto hene nishatta hene nei kotan paye ash hine shine pa reushi, orowa, iraugetupa wa yaiepirikare kusu ne, ari an itak ani ye utara hetak tane esanniyo yan:

¹⁴ nishatta hetuku kusu ne okaibe nekon a ambe ne ya sekoro echi erampeutek ruwe ne gusu ne na. Echi koro inotu nekon a ambe ne ya? Echi utara anak ne irukai an, aige, ush wa isam paha echi ne ruwe ne gusu ne na.

¹⁵ Utarapa ramuoshma yakun chi utara shiknu wa tambe hene ki nei ambe hene ki kusu ne na ari an itak ani echi ye kuni an ambe ne.

¹⁶ Koroka, pakesara wa tane echi yaiomonnure ruwe ne: tap korachi yaiomonnure ambe anak ne wenbe ne ruwe ne na.

¹⁷ Tambe gusu, pirikap ki katu eraman wa nei ambe shomo iki guru an chiki, shinuma gusu katpak ne ruwe ne na.